Өңірде М-3 жылу магистралін жаңғырту басталды

Облыс әкімдігінің хабарлауынша, Қарағанды облысында инженерлік инфрақұрылымды жаңғырту жұмыстары жалғасуда. Облыс орталығында ұзындығы 2,4 шақырым болатын М-3 жылу магистралін кешенді қайта жаңарту басталды.

Жоба аясында тозу деңгейі жоғары құбыр желілері толық ауыстырылып, жер астына көшіріледі. Сондай-ақ құбырлардың бірінің диаметрі 800 миллиметрден 1000 миллиметрге дейін ұлғайып, жүйенің өткізу қабілеті артады.

Жаңғырту жұмыстары Энергетикалық және коммуналдық секторды жаңғырту жөніндегі Ұлттық жоба аясында жүреді. Жоба 2027 жылға дейін кезең-кезеңімен аяқталады. 

Материалды әзірлеген Аяулым СОВЕТ