Орақ түскен алқаптар…

Биыл өңірде дәнді дақылдар 920 мың гектар жерге егілді. Картоп 11 500 гектарға, майлы дақылдар 26 мың гектарға, көкөністер 1400 гектарға отырғызылды. Бұл туралы облыс әкімі Жеңіс ҚАСЫМБЕКТІҢ Нұра және Осакаров аудандарына жұмыс сапары барысында айтылды.

Бүгінгі күні Қарағанды облысында егін жинау науқаны кесте бойынша жүргізілуде. Осы уақытқа дейін астықтың 74%-дан астамы және картоп пен басқа да көкөністердің 50%-дан астамы жиналған. Ауа-райы жақсы болып тұрса астық жинау 25 қыркүйекте, ал картоп пен көкөністерді жинау қазан айының басында аяқталады деп жоспарлануда.

Облыс әкімі Нұра ауданындағы «Черниговский и К» шаруа қожалығына барды. Жалпы аудан бойынша ірі аграршылар астық жинауды аяқтады.

Осакаров ауданында Жеңіс Қасымбек «РосАгро» ЖШС және «АгроЛето» ЖШС егістіктерінде болды, онда бидай мен жасымық тиісінше жиналады, сондай-ақ «Батаев» ЖШС-де зығыр жинау барысымен танысты.

Айта кету керек, биыл Қарағанды облысында ауыл шаруашылығы тауар өндірушілерін субсидиялау артты. Барлығы 23 млрд. теңгеден астам қаржы бөлінді. Өсімдік шаруашылығына – 5,2 млрд. теңге қарастырылды. Бұл өткен жылмен салыстырғанда 1,6 млрд-қа артық.

– Мемлекет басшысының тапсырмаларын, оның ішінде 16 наурыздағы «Жаңа Қазақстан: Жаңару мен жаңғыру жолы» Жолдауы шеңберіндегі міндеттерді орындау нәтижелері туралы айтқым келеді. Әлемде қалыптасқан күрделі геосаяси жағдайларға қарамастан ауылшаруашылық саласының даму серпіні сақталып тұр. Биылғы жылдың 8 айлық қорытындысы бойынша, ауылшаруашылығының жалпы көлемі 202,8 млрд. теңгені құрады. Нақты көлем индексі 100,4 пайыз. Бұл көрсеткіштер мал басы санын арттырумен қоса олардың сапалық көрсеткіштерін өсіру арқылы малшаруашылығы өнімінің ұлғаюы есебінен қамтамасыз етіледі. Шаруашылық ұйымдарының үйлесімді жұмыстарының және дер кезінде көрсетілген мемлекеттік қолдау шараларының көмегімен биылғы жылды егіс жұмыстары сапалы және оңтайлы жүргізілді, – дейді облыстық ауылшаруашылығы басқармасы басшысының міндетін атқарушы Сырым Бошпанов.

Облыста арзандатылған дизель отыны, қосалқы бөлшектер, минералдық тыңайтқыштар және өсімдіктерді қорғау құралдары уақытылы жеткізілді. Нәтижесінде облыс бойынша биылғы жылы жаздық егіс алқабы 2021 жылғы деңгеймен салыстырғанда 48,2 мың гектарға ұлғайды. Оның ішінде дәнді-дақылдар 22,3 мың гектарға, майлы дақылдар 33,1 мың гектарға ұлғайды.

Әдебиет БЕЛГІБАЙҰЛЫ.