Жерлестер жетістігі

Мемлекет басшысы Қасым-Жомарт Тоқаев 2024 жылы қазақстандық жас жазушылар мен ақындар үшін Президенттік арнаулы әдеби сыйлықты тапсыр­ды. Сыйлық алғандардың қатарында талантты жерлестеріміз бар.

Жазушы, «Құрмет» орденінің иегері, Қазақстанның еңбек сіңірген қайраткері Дидар Амантайға мәдениет саласындағы Мемлекеттік стипендия табысталды.

Ақын, «Тәңір таңбасы», «Ойтамған» кітаптарының авторы, «Айбоз» ұлттық сыйлығының иегері, Қазақстан Жазушылар одағының облыстағы ресми өкілі Жанат Жаңқашұлы мәдениет саласындағы Мемлекеттік стипендия иегері атанды. Стипендия иегерін облыс әкімі Ермағанбет Бөлекпаев әлеуметтік желіде арнайы құттықтады.

Ақын, «Серт» кітабының авторы Жәнібек Әлиманға Мемлекет басшысының қазақстандық жас жазушылар мен ақындарға берілетін арнаулы әдеби сыйлығы «Боз ұшқат» өлеңдер жинағы үшін берілді.

Ақын, Халықаралық «Шабыт» фестивалінің лауреаты Жадыра Байбұланова да мәдениет саласындағы Мемлекеттік стипендия иегері.

Ерік НАРЫН,
Ortalyq.kz