Жартылай финалистер анықталды

Бокстан Астанада өтіп жатқан VI жазғы Спартакиада ойындарының төртінші жарыс күнінде 7 салмақ бойынша жартылай финалға жолдама алған боксшылар анықталды. Бұл қатарда облыс атынан сынға түскен боксшылардың арасында 60 келіде өнер көрсеткен Талғат Сырымбетов те бар.

54 келі салмақ дәрежесінде бақ сынаған жерлесіміз Кәрім Серкебаев өкінішке қарай, Алматы облысынан келген Тимур Қабдешовтен айласын асыра алмады. 60 келіде жұдырықтасқан Талғат Сырымбетов жартылай финалдық тартыс үшін болған кездесуде жеңіске жетті. Ол елордалық боксшы Оралбек Әбдукадыровты 5:0 есебімен таза жеңді.

Ал, 86 келіде жұдырықтасқан тағы бір қарағандылық боксшы Бейбарыс Сыдын астаналық қарсыласы Темірлан Мұқатаевқа есе жіберді.

Ербол ЕРБОЛАТ,
Ortalyq.kz