Үздік жоба анықталды 

18 қараша мен 1 желтоқсан аралығында «QazInnovations» Ұлттық инновациялық даму агенттігі» АҚ (бұдан әрі – QazInnovations) қолдауымен идея және прототип кезеңінде стартаптар үшін қарқынды инкубация бағдарламасы өткізілді.

Инкубация бағдарламасы аясында екі апта бойы стартап-командалар бизнесті жүргізудің түрлі аспектілері бойынша білім беру семинарларына қатысып, тәжірибелі трекерлер мен сарапшылармен кеңесіп, өздерінің бизнес-идеялары мен прототиптерін әзірлеу бойынша жұмыс жасады.

Бағдарлама қорытындысы 1 желтоқсанында Әбілқас Сағынов атындағы ҚарТУ-да Demo Day форматында өтті. Онда 15 стартап түлегі екі апталық жұмысының нәтижелерін ұсынды. Нәтижесінде қазылар алқасы перспективті 3 жобаны анықтады.

Олардың алғашқысы қаладағы сауда орталықтарынан кез келген тауарды онлайн сатып алуға болатын Qmarket қосымшасы. Екіншісі, Мәрмәр бұйымдарын өндіретін өндіріс болса, үшіншісі DiLady Спорттық киім өндірісі.

Өз тілшімізден.