Клуб қазіргі футбол маусымының қорытындысы бойынша тізімнің ең соңында тұр. Клуб жұмысына жаңаша серпін беріп, келесі маусымға дейін дайындығын күшейту керек.

Директорлар кеңесінің шешімімен клубтың жаңа атқарушы директоры тағайындалды, ол – Талғат Дүйсеков, табысты кәсіпкер, қоғам қайраткері және меценат. Спорт менеджменті саласында белгілі бір тәжірибесі бар. 2022-2023 жылдары ол Ұлттық спорт түрлері қауымдастығына кіретін Асық ату федерациясын басқарған. Аз уақытта ұйымның құрылымын жаңартып, тұңғыш рет Асық атудан Азия чемпионатын өткізген.

Оның басты міндеті – «Шахтерді» қазіргі тығырықтан шығарып, клуб жұмысын қайта құру, тың күш беріп, әлеуетін күшейту. Облыс әкімінің тапсырмаларын ескере отырып, бір айдың ішінде клубтың даму стратегиясын дайындау.

Бұдан бөлек, клубтың жаңа басшылығына балалар мен жасөспірімдер футболын дамыту міндеті жүктелді. Осыған орай, қалалар мен аудандарда «Шахтер» академиясының филиалдары ашылады. Келесі жылы жасөспірімдер мен жастар командалары арасында футбол туринирі өтеді, оның нәтижесі бойынша жас дарындар Академияда оқуға іріктелетін болады.

Қазірдің өзінде клубтың жаңа басшылығы тренерлік штабқа шетелдік мамандарды тарту бойынша келісімдер жасаған. Бүгін белгілі болғандай, негізгі команданы жаңа маусымға чех жаттықтырушысы Иржи Ярошик дайындайды.

Иржи Ярошик – кәсіби футоблшы, ол Англияның (Челси құрамында), Шотландияның (Селтик құрамында), Чехияның (Спарта құрамында), Ресейдің (ЦСКА құрамында) чемпионы болған, испандық Примерде үздік ойын көрсеткен (Сарагоса мен Алавес құрамында). Жоғары дивизиялық еуропалық чемпионаттарда кәсіби клубтарды жаттықтыруға құқық беретін UEFA PRO лицензиясы бар. «Шахтерға» келгенге дейін Чехия, Словакия, Словения мен Ресей клубтарында жаттықтырушы болған.

Жаттықтырушы міндеттерімен қатар Ярошик қарағандылық футобол мамандарының кәсібилігін көтерумен айналысады.

Ербол ЕРБОЛАТ,
Ortalyq.kz

Сообщение «Шахтер» футбол клубының басшылық құрамы ауысты появились сначала на «ORTALYQ QAZAQSTAN» газеті.

Аталған чемпионат сәуір мен қазан айының аралығында өткен. Оған 12 команда қатысып, өзара күш сынасты. Әу баста жерлестер турнир кестесінде көшбастап тұрған болатын. Әрі ұзақ уақыт І орыннан түспей, тамаша өнер көрсетіп жүрді. Алайда, турнир соңына қарай павлодарлық «Ертіс» командасы екі ұпай айырмашылығымен алға шығып, турнир жеңімпазы атанды.

– Команда құрамында 17-20 жас аралығындағы 25 адам бар. Маусымды жақсы өткізді. І орында ұзақ тұрдық. Турнирді жеңгіміз келді. Бірақ, чемпионатта көп ұпай жинаған адам жеңеді. Мүмкін сәттілік жетіспей қалған шығар. Ал, команда ойыншылары лайықты өнер көрсетті, – деді «Шахтер М» командасының бас бапкері Максим Самченко.

Ербол ЕРБОЛАТ,
Ortalyq.kz

Сообщение «Шахтер М» ел чемпионатының жүлдегері атанды появились сначала на «ORTALYQ QAZAQSTAN» газеті.

«Шахтер» командасы Премьер-Лиганың бірінші айналымында елордалықтарды 1:0 есебімен ұтқан еді. Матч Қарағандыда өткен. Ал, екінші айналымда қарсылас кеткен есені еселеп қайтарды.

Алғашқы гол ойынның 22-ші минутында соғылды. Доп «Шахтер» қақпасынының торына айып соққысынан тоғытылды. Қақпашы алаңына тым жақын қойылған доп тоғыздыққа дәл тиді. Гол авторы – 10-нөмірдегі Марин Томасов. Екінші гол да ұзақ күттірген жоқ. Ойын есебін ашқан 10-шы нөмірдегі Марин Томасовтың айып алаңынан әуелетіп асырған пасын 9-шы нөмірдегі Джеффри Чинедо қапы жібермей, қақпаға бағыттай алды. Бұл сәтте де қарағандылықтардың қақпасын қорғаған Егор Цуприков дәрменсіз болды. Матчтың 23-ші минуты еді.

Екінші таймда да «Астана» командасының шабуылы іркілген жоқ. Тіпті, есепті еселейтін бірнеше сәт болды.  Бірақ, ойын нүктесі 54-ші минутта қойылды. 77-ші нөмірдегі Назми Грипшидің алыстан тепкен допы рикашет арқылы Егор Цуприковқа ұстатпай кетті.

Ірі есептен кейін жерлестеріміз есеп айырмасын қысқартуға қанша талпынғанымен, қарсыластың қорғанысы, тіпті, жартылай қорғанысы да жол ашып бере қойған жоқ. Керісінше, қарымта шабуылдар арқылы қарағандылық команданың қорғанысын бірталай әуреге салды.

Айқын жеңісінің арқасында «Астана» Премьер-Лига кестесінің 5-ші сатысына жайғасты. Ал, қарағандылықтар болса, Премьер-Лигамен қош айтысудың аз-ақ алдында тұр. «Шахтер» 9 ұпаймен 13-ші орында.

Ерік НАРЫН,
Ortalyq.kz

Сообщение «Шахтер» қауіпті аймақта появились сначала на «ORTALYQ QAZAQSTAN» газеті.

Есеп – ойынның 26-шы минутында ашылды. Роджер Каньястың алыстан бағыттаған добына қарсылас қақпашысы Йосип Чондрич тосқауыл қоя алмады. Осылайша Роджердің соққысы командасына ұпай алып келді.

Екінші айналымда елордалықтар ойынды өз қолдарына алды. Допқа иелік етіп, алаң қожайындарының осал тұсын іздеді. Дегенмен, жерлестер ойын соңына дейін қорғанысын әлсіретпей, ел чемпионатының осы маусымдағы алғашқы жеңісіне қол жеткізді.

Ербол ЕРБОЛАТ,
Ortalyq.kz

Сообщение Ел чемпионатындағы алғашқы жеңіс появились сначала на «ORTALYQ QAZAQSTAN» газеті.

Жерлестер 7 сәуірде өз алаңында «Астана» клубын қабылдайды. Қос команда осы турнирде былтырғы маусымда екі мәрте кездескен. Оның біреуінде елордалықтар жеңіске жетсе, екіншісінде тең түскен.

14 сәуірде Қазақстан кубогінің 1/8 финалында сырт алаңда семейлік «Елімай» клубымен бірінші ойынын өткізеді. Екі ойынның қорытындысы бойынша жеңіске жеткен клуб 1/4 финалда «Оңтүстік академия» және «Қызылжар» клубтары арасында өткен кездесудің жеңімпазымен ойнайды.

Ал, 21 сәуірде ел чемпионаты аясында сырт алаңда талдықорғандық «Жетісу» клубымен кездеседі. Былтыр қос команда осы чемпионатта екі рет кездескен. Біреуінде өз алаңында жерлестер 0:1 есебімен жеңілсе, екінші кездесуінде сырт алаңда 1:3 есебімен есе қайтарған.

Ербол ЕРБОЛАТ,
Ortalyq.kz

Сообщение Сәуір айында үш кездесу появились сначала на «ORTALYQ QAZAQSTAN» газеті.

Алаң қожайындары допқа иелік ету көрсеткіші жағынан қарсыластарынан басым болғанымен, нәтиже ойдағыдай болмады. 7-ші минутта қарсылас команда шабуылшысы Вака Леонардо есеп ашты.

39-шы минутта қорғаушы Слука Бранислав әріптесі Павел Киреенконың асырған пасын қақпаға бағыттап, есепті еселеді.

Осылайша жерлестер түркістандықтардан айласын асыра алмай, турнир кестесіндегі соңғы орынға табан тіреді.

Ербол ЕРБОЛАТ,
Ortalyq.kz

Сообщение «Шахтер» ұпай еншілей алмады появились сначала на «ORTALYQ QAZAQSTAN» газеті.

21 жасқа дейінгі Еуропа чемпионатының іріктеу турнирінде отандастарымыз «В» тобында өнер көрсетеді. Бұған дейін төрт ойын өткізіп, оның тек біреуінде ғана жеңіске жеткен. Әзірге 3 ұпаймен – V орында.

Қазақстан жастар құрамасының сапына «Шахтер» ойыншалары Абылайхан Назымханов, Айбар Абдулла, Данил Карпиков шақырту алды.

Ербол ЕРБОЛАТ,
Ortalyq.kz

Сообщение «Шахтер» жастары – Ұлттық құрама сапында появились сначала на «ORTALYQ QAZAQSTAN» газеті.

24 жастағы қақпашы бұған дейін «Зимбру» «Сперанца», «Петрокуб-Хынчешть» және «Кодру» командасында өнер көрсеткен.

Естеріңізге сала кетейік, бұған дейін қарағандылық клубтың сапына «Шахтердің» түлегі Дмитрий Бачек пен украиналық қорғаушы Дмитрий Рыжук келіп қосылған еді.

Ербол ЕРБОЛАТ,
Ortalyq.kz

Сообщение «Шахтерда» – жаңа қақпашы появились сначала на «ORTALYQ QAZAQSTAN» газеті.

Бұған дейін футболшы бірнеше команда сапында өнер көрсеткен. Әуелі, украиналық «Динамо Киев» сапында өнер көрсетіп, 2015 жылы «Металлист» сапына ауысады. Ол жерде бір жыл ойнап, «Динамо Киев» сапына қайта оралады. 2016 жылы израильдік «Хапоэль Акко», 2017 жылы «Хафоэль Афула» сапына ауысады.

2018 жылы еліне, яғни, украиналық «Черноморец» клубына ауысып, екі жыл сол клуб сапында өнер көрсетті.

2020 жылы еркін агент болып, беларустық «Минск» командасына, бір жылдан кейін еркін агент болып көкшетаулық «Оқжетпес» сапына қосылады.

Украиналық қорғаушы «Оқжетпес» сапында 2022 жылдан бастап алаңға шығып жүр. Былтыр осы клуб сапында 22 ойын өткізген.

Ербол ЕРБОЛАТ,
Ortalyq.kz

Сообщение Украиналық қорғаушы – «Шахтер» сапында появились сначала на «ORTALYQ QAZAQSTAN» газеті.

Футболшы кәсіби мансабын 2018 жылы «Шахтёр М» сапында бастаған. Онда 42 матч өткізіп, 15 гол салған. Сонымен қатар, «Шахтер-Болат» сапында да өнер көрсетіп, 6 матчта 2 голдық пасс береді.

2019 жылы Премьер-лигада дебют жасап, дебюттік маусымында 6 ойын өткізді. Сонымен қатар, «Ақсу», испаниялық «Побленсе», «Антекера» және белорустың «Арсенал» клубында ойнаған.

Ербол ЕРБОЛАТ,
Ortalyq.kz

Сообщение Дмитрий Бачек – «Шахтер» сапында появились сначала на «ORTALYQ QAZAQSTAN» газеті.