Қарқаралы қаласының әкімі болып сайлаушылардың басым көпшілігінен дауыс алған Аслан Рахимұлы Рахимбергенов сайланды. А. Рахимбергенов 1985 жылы туған, уақытша жұмыссыз, Қарқаралы ауданы, Балқантау ауылының тұрғыны. «AMANAT» партиясы ұсынған.

Егіндібұлақ ауылдық округінің сайланған әкімі – Бейбіт Айтмағанбетұлы Төлекеев, 1969 жылы туған, «Қарқаралы ауданы Егіндібұлақ ауылдық округі әкімі аппараты» ММ-нің бөлім басшысы, Егіндібұлақ ауылының тұрғыны. Өзін-өзі ұсынған.

Ал Қ.Аманжолов ауылдық округінің әкімі болып Ербол Исатайұлы Жоламан сайланды. 1982 жылы туған, «Қарқаралы ауданының жер қатынастары бөлімі» ММ, маман. Қарқаралы қаласының тұрғыны. «AMANAT» партиясы ұсынған.

Балқантау ауылдық округінің сайланған әкімі – Ерсайын Саянұлы Қобыланды, 1994 жылы туған, «Қарқаралы ауданының жастар ресурстық орталығы» ММ-нің директоры. Қарқаралы қаласының тұрғыны. «AMANAT» партиясы ұсынған.

Томар ауылдық округінің әкімі қызметіне Нұрсылан Рысбекұлы Жағыпаров қайта сайланды. 1990 жылы туған, бұған дейін де Томар ауылдық округінің әкімі болған. Томар ауылының тұрғыны. «AMANAT» партиясы ұсынған.

Угар ауылдық округінің жаңадан сайланған әкімі – Жанат Рымханұлы Әкімов. 1967 жылы туған, «Рымхан» шаруа қожалығының жетекшісі. Қарқаралы ауданы Матақ ауылының тұрғыны. Өзін-өзі ұсынған.

Халық сенім артқан жаңа әкімдер осы аптада қызметке кіріседі.

Болатбек ӘШІМҰЛЫ

Қарқаралы ауданы

Сообщение Алты әкім жаңадан сайланды появились сначала на «ORTALYQ QAZAQSTAN» газеті.

Мәселен, Приозерск қалалық сайлау комиссиясының төрағасы Бекзат Сәрсембеков те 10 қазанда кандидаттарды тіркеу аяқталғанын айтады. Осы күннен басталған үгіт-насихат жұмыстары 4 қарашада аяқталады.

Жалпы, қала әкіміне үміткер ретінде 4 адам тіркелгенін айту керек. 4 кандидаттың біреуі – өз-өзін ұсынған. Ал, 3 кандидатты партиялар ұсынған. Мәселен, 1 кандидат «AMANAT» партия­сынан, ал, Respublica партиясынан және Қазақстанның «Байтақ» жасылдар партиясынан бір-бір кандидаттан тіркелген.

– Кандидаттардың сайлау­шылармен кездесуі үшін арнайы үй-жай белгіленді. Атап айтқанда, төрт кандидат та Приозерск қаласындағы «Достық» балалар-жасөспірімдер орталығының акт залында сайлаушылармен кездесіп, үгіт-насихат жұмыстарын жүргізеді. Сайлауалды бағдарламасымен таныстырады. Кездесу кестесін сайлау комиссиялары жергілікті атқарушы органдармен бірлесіп жасайтынын да айту керек. Ол міндетті түрде бұқаралық ақпарат құралдарында жарияланады, – дейді Бекзат Мұқсинұлы.

Комиссия төрағасы кандидаттардың үгіттік баспа материалдары да белгіленген орындарда ғана орналастырылатынын айтып отыр. Халықтың ел басқару ісі мен шешім қабылдау үдерісіне белсенді түрде араласуына жол ашатын саяси додадан тұрғындар толық мағлұмат алу үшін арнайы тақталар орналастырылған. Олар Приозерск қаласындағы Көкжиек, Балқаш, Кисунько, Пушкин және Бауыржан Момышұлы көшелеріндегі көрнекті жерлерде.

Бекзат Сәрсембеков сайлауға дайындық барысында комиссия­ның дайындық жұмыстарымен де бөлісті. Жалпы, қала бойынша, 62 комиссия мүшесі оқудан өткен. Ал, 6534 қала тұрғыны 5 қарашада өз таңдауын жасайды.

Сайлау өтетін үй-жайларды жабдықтау барысында мүмкіндігі шектеулі сайлаушыларға пандустар, одан бөлек, көру, есту қабілеті бұзылғандар үшін қажетті құрал-жабдықтармен толық қамтамасыз етілгенін айтуда Бекзат Мұқсинұлы.

Айта кету керек, Приозерск қаласында 11 сайлау учаскесі бар.

Салтанат ІЛИЯШ,
Ortalyq.kz

Сообщение Приозерск сайлауға дайын появились сначала на «ORTALYQ QAZAQSTAN» газеті.

Аумақтық және учаскелік сайлау комиссияларының құрамы, сайлау учаскелерінің шекаралары жергілікті бұқаралық ақпарат құралдарында, аумақтық сайлау комиссияларының интернет-ресурстарында және арнайы ашылған Facebook әлеуметтік желілерінде жарияланады. Осы аталған барлық жарияланымдар сайлау заңнамасында көзделген.

Аудан бойынша сайлауға 39 сайлау комиссиясы, оның ішінде, 1 аумақтық және 38 учаскелік сайлау комиссиясы жұмылдырылады. Олардың құрамында 213 комиссия мүшесі бар. Аумақтық комиссияда 7 мүше, учаскелік комиссияда 206 мүше.

Ақтоғай аудандық сайлау комиссиясының кезекті отырысында комиссия құрамымен учаскелік сайлау комиссиялары мүшелерінің біліктілігін арттыру мақсатында оқыту мәселелері пысықталды. Нәтижесінде облыстық, аудандық сайлау комиссияларының қатысуымен оқу оффлайн форматта қалыптас­қан оқытудың каскадты әдісін тұрақты негізде қолдана отырып, ұйымдастырып өткізу бағытында тиісті жоспар бекітілді. Осы аталған оқу-семинарлары өткізілуде.

Сонымен қатар сайлау комиссиялары мүшелерінің біліктілігін арттыру мақсатында онлайн форматта қашықтықтан оқыту және тестілеу жұмыстары жүргізілуде.

17 ақпараттық баннер әзірленді. Бүгінде 17 баннер кент, ауыл, ауылдық округтердің орталық көшелеріне орналастырылды. Оның ішінде, 1 ауыл, 2 кент, 13 ауылдық округ қамтылған. Сайлау учаскелерінің ғимараты алдына 38 ақпараттық баннер ілінді. Сайлаушыларды ақпараттандыру мақсатында шақыртулар мен инфографикалар таратылуда. БАҚ-та 3, аумақтық сайлау комиссия­сының интернет-ресурсында 22, арнайы ашылған әлеуметтік желіде 28 ақпараттық материал жарияланды.

Жалпы, аудан бойынша 2 кент, 1 ауыл, 13 ауылдық округ, барлығы 35 елді мекен, 38 сайлау учаскесі бар. Оның ішінде, сайлаушылар саны – 10 475 адам.

Сайлау учаскелері Қазақстан Республикасы Орталық сайлау комиссиясы бекіткен нұсқаулыққа сәйкес дауыс беруге арналған үй-жайлар мен дауыс беру пункттері материалдық-техникалық жабдықтармен қамтамасыз етілген. Сайлау учаскелері 7 қазаннан жұмысын бастады.

Дауыс беруге арналған үй-жайды жабдықтау кезінде мүмкіндігі шектеулі сайлаушыларға пандустарды, сонымен қатар, көру, есту қабілеті төмен сайлаушылар үшін қажетті құрал-жабдықтармен қамтамасыз ету қарастырылған. Аудио файлдар, субтитрлер, бейне, брайль қарпі, компьютер экранының көмегіне жүгінетін сайлаушылар жоқ.

Ақтоғай ауданы әкімінің пилоттық режимде өтетін сайлауы – бұл аудан тұрғындарының сенімін еселейтін маңызды саяси науқан. Сайлау – ауданымыздың ертеңін айқындайтын ауқымды шара. Ол мемлекеттік жүйенің, мемлекеттің қызметіне қоғамдық бақылау жасауға мүмкіндік береді. Өңіріміздің ертеңі үшін әрбір азамат шет қалмауы керек.

Ж.РАЙЫМБЕКОВ,
Ақтоғай аудандық сайлау комиссиясының төрағасы

Сообщение Әр азамат шет қалмауы тиіс появились сначала на «ORTALYQ QAZAQSTAN» газеті.

Енді, кезектен тыс болған осы сайлаудың төңірегінде қозғалған кейбір әңгімелерге тоқтала кетсек. Мәселен, оппозициялық көзқарастағы бәзбір отандастарымыз сайлауға түскен үміткерлердің ел ішінде танымалдығы төмен болғанын айтып, мұның өзі саяси науқанның абырой-беделіне нұқсан келтіруі мүмкін деген сықпыттағы сөз таратқаны белгілі. Ал, шынтуайтында, тәуекел етіп, додаға түскен кандидаттарды лайықтылардың тізімінен сызып тастауға әсте болмас еді. Неге десеңіз, олардың қай-қайсын алсаңыз да, өз саласының білгір маманы, ойын ашық және еркін жеткізе алатын білімді, саналы азаматтар-тұғын. Және олар өздерінің бұл сайма-сай қасиеттерін сайлауалды науқан кезінде іспен дәлелдеп көрсетті де. Үміткерлердің «Жаңа Қазақстанның» болашағын жарқын ету жолындағы оңды ой-пікірлері мен ұстамды ұсыныстарының көптің көкейінен шыққанын да жоққа шығаруға болмас еді.

Сөз жоқ, осындай жасампаздықты жанына серік еткен кандидаттардың келешектегі саяси мансабының күні ертеңгі Парламент сайлауында көкке өрлемесе, құлдырамасы айдан анық. Өйткені, олардың да көздегені – елдің ертеңі, болашақ ұрпақтың қамы.

Кейбір тәуелсіз байқаушылар дауыс беру кезінде майда-шүйде кемшіліктердің болғанын айтты. Әлбетте, ауқымды шаруалар атқарылып жатқанда, ұсақ-түйек кемшіліктердің міндетті түрде болатынын ешкім жоққа шығара алмайды. Тек, мұндай олқылықтардың қолданыстағы заңға, ортақ мүддеге қиянатының болмағаны абзал.

Сонымен, Қазақстанның халқы өзінің таңдауын жасап, алдағы жеті жылда мемлекетіміздің тұғырын нығайтып, мерейін үстем ететін тұлғаны Президент етіп сайлады. Өміріміздегі оң өзгерістердің жылымығын, саяси реформалардың шарапатын шын мәнісінде сезіне бастаған жұрттың басқаша шешім қабылдауы мүмкін емес те еді.

Ұзақ жылдардан бері уәдеден ығыр болып, тұрмыстың жүдеулігінен қажып, сеніміне селкеу түскен елдің ендігідегі талабы да күшейе түспек. Халық Қазақстанымызда әділеттің, заңның үстемдік құрғанын қалайды. Отандастарымыз өзінің тағдырын қоғамның денесіне сүлікше жабысқан сыбайлас жемқорлықтың дертін сылып тастап, жеріміздің асты-үстіндегі байлықтың ырыздығын әрбір азаматтың игілігіне жаратуды асыл мұратына санайтын Мемлекет басшысымен байланыстырғысы келеді.

Өзінің сайлауалды бағдарламасын жария еткенде, Мемлекет басшысы былай деген болатын: «Мен ұсынып отырған бағдарлама «Әділетті Қазақстан: бәріміз және әрқайсымыз үшін» деп аталады. Оның әр тармағын өзім жаздым. Бұл бағдарлама менің жүрегімнен шықты деп айтсам, артық болмайды. Біздің бір ғана мақсатымыз бар. Бұл – Әділетті Қазақстанды құру».

Иә, жүректен ширығып шыққан – жүрекке шарықтап жетеді. Бұл – дәлелді қажет етпейтін шындық!

Сөз сабағын түйіндер болсақ, жоғарыда әңгіме қылғанның бәрі жаңадан жеті жыл мерзімге сайланған Қасым-Жомарт Кемелұлы Тоқаев сынды әлемдік деңгейдегі саясаткердің қолынан келеді деп нық сеніммен айтуға болады.

Қайрат ӘБІЛДА

ҚАРАҒАНДЫ

Ortalyq.kz

Сообщение Жүректен шыққан – жүрекке жетеді появились сначала на «ORTALYQ QAZAQSTAN» газеті.

№53 мектеп-лицейінде орналасқан учаскелерге жалпы саны 4500 дауыс беру құқығы бар азамат тіркелген. Олардың бәріне үй-үйді аралап, сайлауға шақыру қағазы таратылды. Қос учаске дауыс беру кабиналарымен, жәшіктерімен жасақталған, барлығы 22 адам жұмыс жасауда. Денсаулығына байланысты учаскеге келе алмайтын адамдар мен мүмкіндігі шектеулі жандардан үйден дауыс беруге өтініш қабылдануда. Сайлаушылар учаскеге күн сайын келіп президенттікке үміткерлердің өмірбаяны мен сайлау алды бағдарламасымен танысуда. Осындағы республикалық, облыстық газеттерден сайлауға әзірлік барысы туралы оқып жан-жақты ақпарат алуда.

Сайлау учаскесінің хатшысы Айдан Шалғынбаева: – Учаскелер сайлауға сақадай сай. Мектептегі сайлау комиссиясында кезекшілік атқаратын қызметкерлер телефонмен хабарласқан сайлаушылардың алдағы науқан туралы сұрақтарына күнделікті жауап беруде. Ендігі міндетіміз – алдағы 20 қараша күні өтетін кезектен тыс Президент сайлауын өз дәрежесінде ұйымдастырып өткізу, – дейді.

Дархан УӘЛИЕВ

ҚАРАҒАНДЫ

Ortalyq.kz

Сообщение Сайлауға әзірлік ойдағыдай появились сначала на «ORTALYQ QAZAQSTAN» газеті.

– Демократиялық ұстанымдар бойынша сайлауда байқаушылардың болуы тиіс. Жалпы, бүгінгі сайлау кешегіден, ал, ертеңгі сайлау – бүгінгі сайлаудан жақсы өтуі тиіс. Сондықтан, біз де соған ұмтылуымыз керек. Әлбетте, байқаушылардың да міндетіне кіретіні – сайлау барысын бақылау. Осыдан шамамен 15 жыл бұрын өңірімізге келетін халықаралық байқаушыларға жәрдемдесу орталығын құру бастамасын көтерген болатынбыз. Олардың қатарында облысты айтпағанның өзінде, Қазақстанға алғаш келетіндері де болады. Тәжірибе олардың дәл сайлау күні келетінін көрсетті. Сондықтан, біз халықаралық байқаушылардың жұмысына жағдай жасаймыз, – дейді Қарағанды қаласындағы шет мемлекеттердің, халықаралық ұйымдардың байқаушыларына, сондай-ақ шетелдік БАҚ өкілдеріне көмек көрсету орталығының басшысы Серік Санаубаев.

Серік Мәлібекұлы сайлау күні облыста қанша халықаралық байқаушы болатыны белгісіз екенін айтады. Бірақ, орталық келген байқаушыларға көмек қолын созуға даяр.

– 2500 байқаушының ешқайсысы діни ағымның, болмаса, саяси партияның мүшелері емес. Яғни, қандай да бір партияның қызметіне мүдделі емес демократияландырылған адамдар. Олар ашықтықты, қауіпсіздікті қамтамасыз ету мақсатында «Дербес деректер және оларды қорғау туралы» Заңды бұзбастан, бейнетүсірілім жасай алады. Бірақ, бұл ретте сайлаушының келісімінсіз оның бет-әлпетін көрсетуге тыйым салынады. Одан бөлек, байқаушының сайлаушының дербес деректері көрсетілетін тізімді түсіріп алуға құқығы жоқ, – дейді облыстық партиялық емес байқау орталығының басшысы Артем Козловский.

Одан бөлек, байқаушыға сайлау учаскесінің аумағында өзі қалағандай жүріп-тұру құқығы берілмеген. Енді байқаушы қолында заң бұзушылықтар анықталған жағдайда толтырылатын актілер мен хаттамалар болады. Байқаушы бұл ретте бұзушылықты екі данада белгілеп, біреуін учаскелік комиссия төрағасына, екіншісін шұғыл әрекет етіп, назарға алу үшін облыстық партиялық емес байқау орталығына береді.

Орталық елімізде осымен биыл үшінші сайлауды өткізуде. Осы уақыт аралығында бюллетень беруге байланысты ғана заң бұзушылық анықталғанын айтады Артем Валерьевич. Яғни, бюллетеньді ҚР азаматының жеке куәлігі бойынша емес, жүргізуші болмаса қызметтік куәлікке қарап берген жағдайлар орын алған. Орталық байқаушылары сайлау учаскесі ашылған сәттен бастап, бюллетень аумақтық сайлау комиссиясына жіберілгенге дейін болады. Байқаушылар өз қалаулары бойынша белгілі бір сайлау учаскесінің бюллетеньдері мен хаттамаларын облыс немесе қаланың орталық сайлау комиссиясына апаруға қатыса алады.

– Орталықтың әр байқаушысында мемлекеттік және ресми тілде рәсімделген блокнот болады. Блокнотта байқаушы үшін нормативтік-құқықтық база көрсетілген. Сонымен қатар, толтыру міндетті болып табылатын хаттамалар бар, – дейді Артем Козловский.

Сонымен қатар, блокнотта белгілі бір сайлау учаскесінде дауыс беру күні жүргізілген жұмыстардың барысы толығымен көрсетіледі. Бұл өз кезегінде әр сайлау учаскесіндегі дауыс беру ашықтығымен қатар, заңдылығын да қамтамасыз етуге септігін тигізбек.

Салтанат ІЛИЯШ

Суретті түсірген Александр МАРЧЕНКО

Ortalyq.kz 

Сообщение Байқаушы – демократиялық сайлау кепілі появились сначала на «ORTALYQ QAZAQSTAN» газеті.

Енді шамалы уақыттан соң Президент кортежі Ақордадағы резиденциядан шығып, ұлықтау рәсімі өтетін Тәуелсіздік сарайына қарай бет алады.

Салтанатты рәсім залына ҚР Мемлекеттік туы, ҚР Президентінің штандарты әкелінді.

Қ. Тоқаевты ұлықтау рәсіміне Үкімет мүшелері, Парламент депутаттары, Конституциялық Кеңес мүшелерi, Жоғарғы Сот судьялары, Қазақстанда тіркелген дипломатиялық корпус өкілдері және басқа да шақырылған қонақтар қатысуда.

Ұлықтау рәсімі барысында Орталық сайлау комиссиясы жаңа сайланған Президентке Қазақстан Республикасы Президентінің куәлігін тапсырады. Сонымен қатар, Президент рәсім барысында Қазақстан халқына ант береді. Ал ант берген сәттен бастап жаңадан сайланған Президент ресми қызметiне кiрiскен болып саналады.

Заңға сәйкес, Республика Президентi Қасым-Жомарт Тоқаев  Конституцияға қолын қойып тұрып: «Қазақстан халқына адал қызмет етуге, Қазақстан Республикасының Конституциясы мен заңдарын қатаң сақтауға, азаматтардың құқықтары мен бостандықтарына кепiлдiк беруге, Қазақстан Республикасы Президентiнiң өзiме жүктелген мәртебелi мiндетiн адал атқаруға салтанатты түрде ант етемiн», – деп халыққа ант береді.

Еске сала кетейік, ҚР Орталық сайлау комиссиясының шығарған қорытындысына сәйкес, 9 маусымдағы кезектен тыс президенттік сайлауда кандидат Қасым-Жомарт Тоқаев сайлаушылардың 70,96 процент дауысын (сайлаушылардың 6 539 715 дауысы) алып, жеңіске жеткен болатын. Осыған байланысты Орталық сайлау комиссиясы ҚР Президентінің ант беру күнін 12 маусымға белгілеу туралы арнайы қаулы қабылдады.

Дереккөз: inform.kz 

Сообщение Қазақстан Президентін ұлықтау рәсімі басталды появились сначала на «ORTALYQ QAZAQSTAN» газеті.

Бүгінге сайлау комиссиялары немесе мемлекеттік органдар тарапынан қандай да бір бұзушылықтарға жол берілген жоқ.

Дегенмен, «Қазақстан Республикасындағы сайлау туралы» Конституциялық заңның (бұдан әрі-Конституциялық заң) 28 – бабы 9-тармағының талаптарын сақтамай, Интернетте қоғамдық пікірге онлайн-сауалнама жүргізу және олардың нәтижелерін жариялау фактілері анықталды, олар бойынша заңмен белгіленген шаралар қолданылуда.

Осындай факті бойынша Алматы қаласының прокуратурасы 2019 жылғы 4 мамырда «Nur.kz» интернет-ресурсының меншік иесі – «Internet portal Nur» ЖШС-не қатысты Қазақстан Республикасының Әкімшілік құқық бұзушылық туралы кодексінің 120-бабының 3-бөлігі бойынша әкiмшiлiк құқық бұзушылық туралы iс бойынша іс жүргiзудi қозғау туралы қаулы шығарылды.

Прокуратура 2019 жылғы 6 мамырда бұл қаулыны қарау үшін әкімшілік істің материалдарымен бірге Алматы қаласының Мамандандырылған ауданаралық әкімшілік сотына жолдады.

Бүгінге іс соттың қарауында.

Қазақстан Республикасының Әкімшілік құқық бұзушылық туралы кодексінің 120-бабының 3-бөлігі бойынша санкциясымен жеке тұлғаларға 15, заңды тұлғаларға 30 айлық есептік көрсеткіш мөлшерінде айыппұл салу түріндегі әкімшілік жауаптылықты көздейді.

Бұдан басқа, мұндай сауалнамалар жеке тұлғалармен жүргізілу жағдайлары анықталды.

Ал, Конституциялық заңның 28-бабының 9-тармағына орай мұндай сұрау салуды Қазақстан Республикасының заңнамасына сәйкес тіркелген, қоғамдық пікірге сауал салуды жүргізу бойынша кемінде бес жыл тәжірибесі бар тек заңды тұлғалар тиісті құжаттардың көшірмелерін қоса беріп, бұл туралы Орталық сайлау комиссиясын жазбаша түрде алдын ала хабардар еткен жағдайда жүргізуге құқылы.

Орталық сайлау комиссиясына жіберілетін хабарламада сауалнама жүргізуге қатысатын және осы салада жұмыс тәжірибесі бар мамандар туралы, қоғамдық пікірге сауалнама жүргізілетін өңірлер туралы, қолданылатын талдау әдістері туралы мәліметтер көрсетіледі.

Бұдан басқа, заңның көрсетілген нормасы бұқаралық ақпарат құралдарында аталған қоғамдық пікірге сұрау салу нәтижелерін жариялаудың тәртібі мен уақыт кезеңіне қойылатын барлығы үшін міндетті бірнеше талаптарды қамтиды.

Конституциялық заңның 28-бабының 9-тармағына сай аталған қоғамдық пікірге сауал салу нәтижелерін жариялаған кезде бұқаралық ақпарат құралдары сауал жүргiзген заңды тұлғаны, сауал жүргізуге тапсырыс берген және оның ақысын төлеген тұлғаларды, сауал жүргiзілген уақытты, ақпарат жинау әдiсiн, сұрақтың нақты тұжырымын, сауал салынғандардың саны мен сауал салу нәтижелерінің қателiк коэффициентiн көрсетуге мiндеттi.

Қоғамдық пікірге сауал салу нәтижелерiн, сайлау, сайлауға байланысты өзге де зерттеулер, дауыс беру нәтижелерiнiң болжамдарын дауыс берiлетін күннің алдындағы бес күн ішінде және дауыс берiлетiн күні бұқаралық ақпарат құралдарында жариялауға жол берілмейдi.

Сайлау күнi дауыс беруге арналған үй-жайда қоғамдық пiкiрге сауал салуды жүргізуге тыйым салынады.

Заңның осы талаптарын бұзу Қазақстан Республикасының Әкімшілік құқық бұзушылық туралы Кодексінің 120-бабының тиісті бөліктері бойынша жауаптылыққа әкеп соғады.

Бас прокуратура барлық жеке және заңды тұлғаларды, бұқаралық ақпарат құралдарын сайлау процесінің бұзылуына жол бермеуге, оның ішінде сайлауға байланысты қоғамдық пікірге сұрау салу жүргізу кезінде заңды бұлжытпай сақтауға шақырады.

ҚР Бас прокуратурасының баспасөз қызметі.

Сообщение Бас прокуратура сайлау барысындағы сұрау өткізудің тәртібін түсіндірді появились сначала на «ORTALYQ QAZAQSTAN» газеті.

Дөңгелек үстелге жиылғандар Теміртау Тұңғыш Президенттің еңбек отаны екенін атап өтті. Қала тұрғындары, шығармашылық және ғылыми интеллигенция өкілдері барша қауымды Қазақстан Республикасы азаматының конституциялық құқығын пайдаланып, еліміздің болашақ Президентіне дауыс беруге шақырды.

Кездесуде кезектен тыс сайлау қазақстандық қоғамның одан арғы даму жолын анықтауға және еліміз тәуелсіздік жылдарында қол жеткізген жетістіктерін сақтауға мүмкіндік беретіні де айтылды. Бастысы – қоғамның одан әрі экономикалық өркендеуін, демократиялануын, ұлтаралық және конфессияаралық келісім саясатын қамтамасыз ету.

Дөңгелек үстел жұмысына белсене қатысып, өз ойларын ортаға салғандардың қатарында Теміртау тарихи-өлкетану музейінің директоры Н.Скорикова, КарГИУ тарих ғылымдарының магистрі, Қазақстан халқы Ассамблеясы кафедрасының меңгерушісі Д.Жанабергенова, «Берегиня» орыс әндері халық ансамблінің жетекшісі С.Гежа, ТМС мәдени-сауық қызметі бөлімінің меңгерушісі Р.Алдашева, ҚР Тұңғыш Президенті тарихи-мәдени орталығының экскурсоводы Қ.Тыныбек бар.

Сообщение Теміртаулықтар кезектен тыс сайлау өткізуді қолдады появились сначала на «ORTALYQ QAZAQSTAN» газеті.

Жиынға «Нұр Отан» партиясының Қарағанды облыстық филиалы Саяси кеңесінің мүшесі, облыстық мәслихат депутаты, аудандық филиалдың партиялық бақылау комиссиясының төрағасы Р.Төлепбаев, партия және аудан активі, аудандық мәслихат депутаттары, бастауыш партия ұйымының төрағалары, Сыбайлас жемқорлыққа қарсы іс-қимыл кеңесінің, партиялық бақылау комиссиясының, аудандық депутаттық фракцияның жетекшілері, «Жас Отан» жастар қанатының мүшелері, мекеме-кәсіпорын басшылары, қоғамдық бірлестік өкілдері қатысты.

Күн тәртібінде «Нұр Отан» партиясы Қарқаралы аудандық филиалы Саяси кеңесінің 2015-2016 жылдары атқарған жұмысы, партияның аудандық филиалының Саяси кеңесінің жаңа құрамын сайлау, партияның облыстық филиалы конференциясына делегаттар сайлау жөнінде мәселелер ұсынылды.

Ауданда тұрғындардың әлеуметтік аз қамтылған топтарын қолдау, қорғалуын қамтамасыз ету, азаматтардың әлеуметтік әл-ауқатын жоғарылатуға бағытталған мемлекеттік бағдарламалар жүзеге асырылуда. Нәтижесінде, әлеуметтік-экономикалық дамуы бойынша көптеген көрсеткіштерге ауданымыз қол жеткізіп келеді. Биылғы 9 айда өнеркәсіп өнімінің жоспары – 109,2%-ға, ауыл шаруашылық өнімі жоспары – 124%-ға, негізгі капиталға салынған ивестиция жоспары – 111,9%-ға, мемлекеттік бюджетке түсімдердің жоспары – 112,3%-ға, шағын кәсіпкерлікті дамыту жоспары 109,9%-ға орындалған.

Сағыныш Әбілова

ҚАРҚАРАЛЫ ауданы.

Сообщение Өңір-өрлеу жолында появились сначала на «ORTALYQ QAZAQSTAN» газеті.