Төтенше жағдайлар қызметкерлері құтқару кезінде техниканың жетіспеушілігін жоққа шығарды

Ботақара кентіндегі тұрғын үйдегі газ жарылысына байланысты жағдайға және жекелеген азаматтардың бөлімшелердің дер кезінде келмеуі және олардың сапасыз жабдықталуы туралы теріс мәлімдемелеріне қатысты Қарағанды облысының ТЖ департаменті мынаны хабарлайды:

101 нөміріне хабарлама сағат 00.07-де түсті. Бірінші бөлімше оқиға орнына 4 минут ішінде жетіп, бірден адамдарды құтқаруға кірісті. Қарағандыдан қосымша қызметкерлер мен техника жіберілді.

Жедел жәрдем бригадаларының бірінші күштерінің келуімен 4 зардап шеккен (2 ересек және 2 бала) орталық ауруханаға жатқызылды.

Аудан әкімдігі дереу оқиға орнына жүк тиегіштер, манипулятор және автокран әкелді.

Жұмыс басталған сәттен бастап құтқарушылар барлау жұмыстарын ұйымдастырып, «Тыныштық» жариялады, оның барысында қирандылар астындағы баланың дауысын естіді (басқа дауыстар естілмеді) және іздестіру орны нақты анықталды. Балаға қол жеткізу үшін үйінділерді тазарту кезінде тіршілік белгісі жоқ әйелдің денесі табылды.

Сағат 01.03-те домкраттарды, манипуляторды және аралықтарды пайдалана отырып, еден тақтасы көтеріліп, балаға қол жеткізуге мүмкіндік берді, содан кейін жедел жәрдем фельдшері балаға анестетикалық инъекция жасады.

Сағат 01.54-те жедел әрекет етудің және аса сақтық шараларының арқасында бала құтқарылып, жедел жәрдем қызметкерлеріне тапсырылды.

Одан кейін инженерлік құрал-жабдықтардың көмегімен жұмыс барысында марқұм әйелдің денесі сағат 02.18-де, ер адамның денесі 03.37-де шығарылды.

Жұмыс барысында жеке құрам қажетті арнайы құралдармен және авариялық-құтқару құралдарымен қамтамасыз етіліп, барлық қауіпсіздік шараларын сақталды. Жедел әрекет етіп, қолданылған барлық құрал-жабдықтар қалыпты жағдайда болды.

Материалды әзірлеген Ілияс ДҮНГЕНБАЙҰЛЫ.