Тәлімгерлер кеңесінің кезекті отырысы өтті

Мемлекеттік қызмет істері агенттігінің Қарағанды облысы бойынша департаментінде мемлекеттік қызмет ардагерлері қатарынан құрылған Тәлімгерлер кеңесінің кезекті  отырысы өтті. Отырыста Қарағанды облысы білім басқармасының басшысы Гүлбақыт Жүнісова мен Приозерск қаласының мәдениет, тілдерді дамыту, дене шынықтыру және спорт бөлімі басшысы Нұртай Смағұл атқарған жұмыстары және алға қойған жоспарлары туралы баяндады.

Отырыс барысында мемлекеттік қызмет ардагерлері пікірлерін ортаға салып, жас басшыларға тәжірибесімен бөлісті. Ақыл-кеңестерін айтып, бағыт-бағдар көрсетті.

Айта кетейік, тәлімгерлер кеңесінің жұмысы бұдан әрі қарай мемлекеттік органдар арасында жүйелі түрде жүргізілетін болады.

Департаменттің баспасөз қызметі.