Шет ауданы С.Сейфуллин атындағы кентте 40 балаға арналған жаңа балабақша жұмысын бастады.
«Қорлан апа» балабақшасы мемлекеттік-жекеменшік әріптестік бағдарламасы бойынша ашылды. Аудан әкімшілігіне балабақшаға арналған ғимаратты Е. Бөкетов атындағы зерттеу университетінің ректоры Нұрлан Дулатбеков сыйға тартты. Бұл үйде бір кездері оның отбасы тұрған.
– Жергілікті кәсіпкер Хайролла Нұрабайұлы күрделі жөндеу жүргізіп, ғимараттың аумағын 200 шаршы метрге дейін кеңейтті. Қазір 42 балаға арналған екі топ бар, ас үй, асхана, киім ауыстыратын бөлмелер қарастырылған. Қазандық жеке үй-жайға шығарылды, – деді балабақша директоры Жанат Түсіпов.
Жиһаз жасына қарай таңдалады. Кереуеттер, үстелдер, орындықтар мен шкафтар ағаштан жасалған. Балалармен жұмыс істеуге арналған әртүрлі дидактикалық материалдар бар.
– Біз тәрбиешілерді, бала күтушілер, әдіскер, медбике, аспаздар мен техникалық қызметкерлерді жұмысқа алдық. Болашақта ағылшын тілі мұғалімі мен массаж терапевтін жұмысқа орналастырамыз. Қазір балаларды есепке алу бойынша ақпараттық жүйемен интеграцияны жолға қойып жатырмыз. Барлық ниет білдірушілер бізге жолдама алғаннан кейін жұмысымызды бастаймыз, – дейді Жанат Түсіпов.
Дулатбековтар отбасы мектепке дейінгі мекемеге заманауи балалар алаңын сыйға тартты. Енді балалар жайлы топтарда ғана емес, сонымен қатар аулада да көңіл көтеріп, серуендей алады.
Аида РАХЫМҚҰЛОВА,
Ortalyq.kz
