Сауалына Жауабы

       Газетіміздің 3 желтоқсан күнгі №192 санына шыққан «Көлеңкеде қалмасын, көкейде сарнасын» деп жариялаған сауалымызға жауап келді. Дұрыс жауапты бірінші болып жолдаған Жаңаарқа ауданыдағы Б.Амалбеков атындағы орта мектептің кітапханашысы Рахат ЖЕТПІСБАЙҚЫЗЫ болды.

     Қалбағай – асауды ұстау үшін қолданылатын құрал; комбайнның егіс сабақтарын шалғасына қарай жығып беріп тұратын айналмалы тетігі; желкесінде сарғыш тұлымы бар, жалпақ қара тұмсықты аққұтанға ұқсас құс; жамбастың үстінгі жағындағы сыртқа шығыңқырап тұрған омыртқа.

Қатипа – сай-сай жолағы бар қалың мата.

Жырым – айылдың, тартпаның ұшына жалғанатын не ердің қапталындағы жіңішке білеу қайыс.

Кепшік – қарын немесе жұқа тері қаптап, шеңбер түрінде жасаған, ұрып ойнайтын дабылды саз аспабы; астықты елеп тазалайтын ыдыс.

Метей – ағаштан жасалған күбі.

Оңғақ – Судан шығарғанда түсі оңып кететін, денесі ұсақ қабыршақтардан тұратын тұщы су балығы.

Мәсуек – тісті, тістің етін ысқылап тазартатын құрал.

Дыба – ерте заманда адамды керіп қойып жазалайтын құрал.

Жағалтай – лашын тектес кішкене жағал құс.

Үлек – нар түйенің таза тұқымды бурасы.

♦ ♦ ♦

Келесі сауалды әріптесіміз, тарихшы Ерғазы Төлеу жолдайды:

Жеті жоқтың жауабы қандай?

Жерде … жоқ,

Аспанда … жоқ,

Таста … жоқ,

Тасбақада .. жоқ,

Аллада … жоқ,

Аққуда … жоқ,

Жылқыда … жоқ.

Сондай-ақ, Бәйдібек би осы тақылеттес төрт жоқты іздейді?

Ол қалай еді?

Сиырда … жоқ,

Жылқыда … жоқ,

Таста … жоқ,

Суда … жоқ.

Әзірлеген: Мирас АСАН

Пікір қалдыру

Сіздің e-mail жарияланбайды. Толтырылуы міндетті *

This site uses Akismet to reduce spam. Learn how your comment data is processed.