Қазақстан Республикасының Президенті Қасым-Жомарт Тоқаевтың Жарлығымен 6 қазан елімізде АЭС салу жөніндегі референдум күні болып белгіленген. Соған байланысты Абай ауданының Топар кентінде де 5 референдум учаскесі құрылып, соның бірі 431-учаскеде таңғы сағат 7-ден дауыс беру басталды.
Ең бірінші болып өзінің таңдауын жасап,дауыс берген Әсима Шүленбаеваға сыйлық берілді. Оның соңынан келіп дауыс берушілер көбейе түсуде.
Бұл учаскеде 1 347 дауыс беруші тіркелсе, соның 10-ы үйінде отырып дауыс береді. Олар үшін бұл жерде бір-бір қаптан ұн мен қант ұтысқа шығарылып, лотерея ойнатылуда. Сондай-ақ мүмкіндігі шектеулі жандар үшін пантус орнатылған.
Ержан Имаш,
Абай ауданы
