Президент: “Жаңа Конституция нормаларын ескере отырып, еліміздің заңнамасына түзетулер енгізу қажет”
Президент Жаңа Конституция нормаларын ескере отырып, еліміздің заңнамасына түзетулер енгізу қажеттігін айтты.
«БІРІНШІ. Жаңа Конституция нормаларын ескере отырып, еліміздің заңнамасына түзетулер енгізу қажет.
Жаңа конституциялық жүйеге өту барысында бұрынғы Парламент негізгі билік институттарының қызметін қамтамасыз ететін бірқатар маңызды заңдарды қабылдады.
Енді Құрылтай әр салаға қатысты заңнаманы мұқият саралап, олардың Конституция қағидаттарына сай болуын қарауы керек.
ЕКІНШІ. Құрылтай заң шығару үдерісінің тұрақтылығы мен сапасын қамтамасыз етуі керек.
Бұған дейін Сенат Мәжіліс қабылдаған заңдардың Конституцияға сәйкестігін, құқықтық тұрғыдан дұрыстығын, нормалардың өзара үйлесімділігін тексеріп отырды.
Бұл жұмысты жандандыру қажет», деді Президент.
Аяулым СОВЕТ
Ortalyq.kz
