Оза шауып, бәйге алды

   Жақында Шет ауданында оқушылар арасында дәстүрлі XVIII аудандық Абай оқулары өтті. Айтулы шарада барша ауылдың талантты оқушылары бағын сынады.

Абай оқулары үш бөлім бойынша өткізілді: «Өлең – сөздің патшасы, сөз сарасы» – Абай шығармаларын жатқа оқу, «Көңілім әнді ұғады» – Абай әндерін орындау, «Жүйріктен жүйрік озар жарысқанда» – жас дарындардың өз шығармаларын орындауы сияқты сыннан тұрды.

Мәре бар жерде сөре бар. Ал­ғашқы бөлім хакім Абайдың шығар­машылығын жатқа оқып, мүдірмеген Ж.Ақылбаев атындағы эксперимен­талдық мектеп-гимназиясының оқу­шылары Толғанай Мейіржан қар­сыластары­нан дара шығып, екінші бөлімде Абай әндерін нақышына келтіре шырқаған Аймира Саят пен Аружан Жарылқаған үздік атанды. Ал,үшінші бөлімде өз шығармашылығы арқылы тыңдарманды тәнті еткен 7 сынып оқушысы Ажар Мұзафарқызы байқаудың бас жүлдесін иеленді. Бір айта кетері Ажар облысқа жолдама алды. Жетекшісі Серікбол Дәулетұлы да шәкіртінің болашағына сенім білдірді.

Өз тілшімізден.

ШЕТ ауданы.