Әлеуметтік желілерде 80-нен астам есірткі арнасы бұғатталды
Бас көлік прокуратурасы әлеуметтік желілерде 80-нен астам есірткі арнасына тосқауыл қоюды қамтамасыз етті, деп хабарлайды Ortalyq.kz Бас көлік прокуратурасына сілтеме жасап.
Бас көлік прокуратурасы құқық қорғау органдарының есірткі бизнесіне қарсы іс-қимыл қызметінің тиімділігін арттыру бойынша жұмысты жалғастыруда. Әлеуметтік желілерді бақылау барысында елімізде синтетикалық есірткіні насихаттау, жарнамалау және сату мақсатында құрылған телеграм арналары анықталды.
– Нәтижесінде «Кибернадзор» ақпараттық жүйесі арқылы 80-нен астам телеграмм арналары бұғатталды, – делінген хабарламада.
Прокуратура органдары байланыс операторларымен бірлесіп бақылау шараларын жетілдіруді және платформалармен заңсыз контентті жылдам бұғаттауды жалғастыруда.
Материалды әзірлеген Ербол ЕРБОЛАТ.
