КЕНШІЛЕРГЕ ҚҰРМЕТ
Қашан да еңбектің бағаланғаны жақсы. Қоғамға да, өзіңе де пайдалы еңбектің өтеуі болады. Көңіліңді өсіреді, жаңа табыстарға жетелейді.
Ақжал кентіндегі «Ново-цинк» кәсіпорнында жылды табысты аяқтаған өндіріс жұмысшы-мамандарын көтермелеу, марапаттау жап-жақсы дәстүрге айналған. Жыл қорытындысында әркімнің еңбегі сараланып, тиісті бағасы беріледі. Мәселен, өндірістің техникалық директоры Бұлқайыр Ағылбаев еліміздің Құрметті кеншісі төсбелгісімен марапатталды. Ал, тау-кен цехының бұрғылау қондырғысының машинисі Аманқұл Төкішев, автокөлік цехының жүргізушісі Виктор Гольнев «ІІІ дәрежелі еңбегі сіңген кенші» төсбелгісіне, машинист Болат Әбілжанов сондай-ақ, жүргізуші Манат Тоғанбеков «Озат кенші» төсбелгісіне және сый-сияпатқа ие болды.
Дәл осы күні «Шұғыла» мәдениет үйінде «Әкелер салған дара жол» атты әдеби-сазды кеш өтіп, еңбек ардагерлері жоғары сынып оқушыларымен кездесті.
Өз тілшімізден.
ШЕТ ауданы.