Ерлер құрамасының еншісінде – күміс медаль

Семсерлесуден Қазақстан ерлер құрамасы Азия ойындарының күміс жүлдегері атанды. Ұлттық құрама сапында Руслан Құрбанов, Эльмир Әлімжанов, Ерік Сартай және Вадим Шарлаимов сынды білікті спортшылар бар.

Олар ақтық сында Жапония құрамасының спортшыларына есе жіберді. Бұл Азия ойындарындағы Қазақстан командасының семсерлесудегі үшінші медалі. Кеше біздің спортшылар командалық жарыста қола жүлдеге ие болды. Бір күн бұрын шпажист Эльмир Әлімжанов жекелей сында үшінші келген болатын.