Ресми

Биыл 15 637 этникалық қазақ қандас мәртебесін алды

2022 жылғы 1 қарашадағы жағдай бойынша 15 637 этникалық қазақ атамекеніне оралып, қандас мәртебесін алды. Жалпы 1991 жылдан бері республикаға 1 миллион 103,5 мың этникалық қазақ тарихи отанына оралды, деп хабарлайды Ortalyq.kz сайты Орталық коммуникациялар қызметі сайтына сілтеме жасап. 

Биыл 15 637 этникалық қазақ қандас мәртебесін алды

Жыл басынан Қазақстанға келген қандастардың жартысынан көбі (65,2%) Өзбекстаннан, ал 9,2% – Қытайдан, 8,8% – Ресейден, 8% – Түрікменстаннан, 4,8% – Моңғолиядан және 4% басқа елдерден келді.

Тарихи отанына оралған этникалық қазақтар негізінен Алматы (28,1%), Маңғыстау (16,3%), Түркістан (8,7%) және Жамбыл (6,1%) облыстарына, сондай-ақ Астана (9%),  Шымкент (6,9%) және Алматы (5,5%) қалаларына қоныстанды.

Биыл 1 қарашадағы жағдай бойынша еңбекке қабілетті жастағы этникалық қоныс аударушылар саны 59,6%-ды, еңбекке қабілетті жастан кіші 26,7%-ды және зейнеткерлер 13,7%-ды құрайды.

Еңбекке қабілетті жастағы қандастардың ішінен білім деңгейі бойынша 16%-ы жоғары білімді, 39%-ы орта кәсіби білімді, 43,1%-ы жалпы орта білімді және 1,9%-ының білімі жоқ.

Басқа материалдар

Back to top button