Жаңалықтар
Қарағандыда жылу желісіндегі ақау жойылды
Гоголь мен Абай көшелерінің қиылысында диаметрі 800 мм болатын құбырдан ақау шығып, «Теплотранзит Қарағанды» ЖШС жұмысшылар бригадасы ақауды жойды. Қаланың орталық бөлігіндегі тұрғындар жылу температурасы төмендетілген режимге көшірілген болатын.
Қазіргі таңда дәнекерлеу жұмыстары аяқталып, жылу жүйесіне су құйыла бастады. Жақын арада гидравликалық және температуралық жағдайлар қалпына келтіріледі.
Сондай-ақ, «Қарағанды Энергия орталығы» ЖШС ЖЭО-1 мен ЖЭО-3 қалыпты жұмыс істеп жатқанын хабарлады.
Ілияс ДҮНГЕНБАЙҰЛЫ.