Қарағанды-Балқаш тас жолында ірі жол апаты орын алды

Бүгін түнде Қарағанды-Балқаш тас жолында адам өлімімен аяқталған жол-көлік оқиғасы болды. “ГАЗель” жүк көлігі мен жеңіл көлік соқтығысып, екі адам қаза тапты, аман қалған алты адам жедел жәрдеммен ауруханаға жеткізілді.

– Қарағанды-Балқаш тас жолындағы жол апаты бүгін, 16 тамызда сағат 00.30-да Спассктен екі шақырым жерде болды. “ГАЗель” жүк көлігі мен “Hyundai Elantra” соқтығыысып, екі көлік те шұңқырға түсіп кеткен. Оқиға салдарынан “Hyundai Elantra” көлігінің 32 жастағы жүргізушісі мен оның жолаушысы оқиға орнында көз жұмды. 35 жастағы «ГАЗель» жүргізушісі мен екі жолаушысы және “Hyundai Elantra” көлігінің үш жолаушысы медициналық мекемеге жеткізілді. Аталған факті бойынша қылмыстық іс қозғалды. Тиісті сараптамалар тағайындалды,- деді Қарағанды облысының полиция департаментінің баспасөз қызметі.

Ілияс ДҮНГЕНБАЙҰЛЫ.