Қала әкімі теміртаулықтармен таңғы жаттығу жасады

Бүгін “Заң мен тәртіп” республикалық жобасы аясында Теміртау қаласының әкімі Ғалым Әшімов пен белгілі спортшы Жанболат Қадыровтың қатысуымен тұрғындармен бірге таңғы жаттығу жасалды.

Таңғы жаттығу өткен осындағы “Металлург” стадионында жиналған 500-ге жуық теміртаулық таңғы сергіту жаттығуларын орындап, көңіл-күйлері көтеріліп, бір сергіп қалды.

Бұл шара достық және өзара түсіністік ахуалында өтіп, Теміртау қаласында салауатты өмір салтын насихаттау бағытындағы кезекті қадам болды.

Ержан ИМАШ
ТЕМІРТАУ