Аймақтың жедел жәрдем көліктеріне бейнекамера орнатылуда

Қылмыстың алдын алу мақсатында аймақтың жедел жәрдем көліктеріне жаппай бейнекамера орнатылуда.

Мәселен, былтырғы жылы медициналық қызмет бригадалары мен тұрғындар арасында кикілжің көп болған. Соның бірі жедел жәрдем жүргізушісі соққыға жығылып, кінәлі сотта тиісті жазасын алған болатын. Міне, осындай келеңсіз жайттарды ескере келе аймақтың 80 жедел жәрдем көлігіне бейнекамера орнатқан. Келесі кезекте өңірге қарасты аудандардың жедел жәрдем көліктерін бейнекамерамен қамту қарастырылып отыр. Бұл денсаулық сақтау саласы қызметкерлерінің қауіпсіздігі үшін ғана емес, сонымен қатар олардың жұмыс барысын бақылауда ұстауға да мүмкіндік береді дейді мамандар.

Ілияс ДҮНГЕНБАЙҰЛЫ.