Ел саясатына қоғам мүшелері белсене араласуда. Бұған тұрғындарға таңғы 6:30 есігін айқара ашқан №170 референдум учаскесінің өкілдері куә.
– Биыл тұрғындар ерекше ықыласпен келуде. Ала таңнан жүздері жарқын, қадамдары сенімді, таңдаулары айқын. Тіркелген 2400-ге жуық адамның жартысы сағат 11:00-ге дейін дауыс беріп үлгерді, – деді учаске төрайымы Амантай Согосбайқызы.
Расында, есіктен ағыла кірген жандардың қарасы көп. Участке өкілдерінің айтуынша, биылғы науқанға әскерилер мен қариялардың және 18 жасқа толған жастардың ынта-ықаласы басым көрінеді. Қазіргі таңда №170 учаскеге тіркелген тұрғындардың 50 пайыздан астамы өз таңдауларын жасап үлгерген. Тіпті, қол-аяғы қимылдауға келмейтін мүмкіндігі шектеулі жандар да өз таңдауынан шаңырағынан жасап, ел мүддесінен аянып қалмауда.
Жан АМАНТАЙ,
ortalyq.kz
