Қарағандыда бочча спортынан қалалық инклюзивті турнир өтті
30 қыркүйекте «Жастар» спорт кешенінде Қарағанды облысының Бочча федерациясы Қарағанды қаласы әкімдігінің қолдауымен қалалық инклюзивті бочча турнирін өткізді. Іс-шара Конституцияда бекітілген адам құқықтары мен тең мүмкіндіктер қағидаттарын ілгерілетуге, қоғамда инклюзивті мәдениетті қалыптастыруға бағытталған.
Жарысқа бочча спортынан 8 команда, сондай-ақ Қарағанды мен Теміртау қалаларындағы жетекші жоғары оқу орындары мен колледждердің студенттері қатысты.
Турнирдің басты ерекшелігі – спортшылар мен жастарды біріктірген командалық формат. Қатысушылар жарысқа бірге қатысып, паралимпиадалық спорттың мүмкіндіктерімен танысты және командалық өзара іс-қимыл тәжірибесін жинақтады.
Мұндай іс-шаралар жастар арасында инклюзивті мәдениетті қалыптастыруға, өзара түсіністік пен қолдауды нығайтуға, сондай-ақ бочча мен паралимпиадалық спортты қоғамда кеңінен насихаттауға ықпал етеді.
Материалды әзірлеген Диас СЕРІКҚАЗЫҰЛЫ
Ortalyq.kz
