Өрт сөндіру-құтқару спорты бойынша ХVIII жазғы чемпионатта Бауыржан Төкенов күміс жүлдегер атанды

Қарағандыдағы № 1 өрт сөндіру бөлімінің аға өрт сөндіруші-құтқарушысы Бауыржан Төкенов еліміздің өрт сөндіру-құтқару спорты бойынша ХVIII жазғы чемпионатта күміс жүлдегер атанды. Ол кедергілері бар жүз метрлік жолақты еңсеруде жоғары нәтиже көрсетті. Бұл туралы облыс әкімінің баспасөз қызметі хабарлады. 

 Өрт сөндіру-құтқару спорты бойынша ХVIII жазғы чемпионатта Бауыржан Төкенов күміс жүлдегер атанды
фото: Gov.kz
Бауыржан Төкенов
фото: Gov.kz

Өрт сөндіру-құтқару спорты бойынша ХVIII жазғы чемпионат Қызылорда қаласында өтті. Чемпионатқа 18 ерлер және 14 әйелдер командасы қатысты.

– Жарыс жоғары деңгейде ұйымдастырылды, қарсыластар да осал емес. Алайда, жеңіс маған бұйырды. Қазір әлем чемпионатына дайындалып жатырмын, – деді Бауыржан Төкенов. 

Төкенов Бауыржан
фото: Gov.kz

Өрт сөндіру-құтқару спортында Бауыржан 2016 жылдан бері өнер көрсетіп келеді. 6 жыл ішінде оның жеңіс қоржыны талай жүлдемен, медальдармен толыққан. Бауыржан Төкенов — өрт сөндіру-құтқару спорты бойынша спорт шебері және Қазақстан ұлттық құрамасының мүшесі.

Биыл 30 қыркүйек пен 6 қазан аралығында Өзбекстанның Самарқанд қаласында өтетін жарыста ел намысын қорғайтын болады.

Өз тілшімізден.