18 жасқа дейінгі балаларға жеке жинақтаушы шот ашылады

18 жасқа дейінгі барлық балаға жеке жинақтаушы шоттар ашылып, жыл сайын қаражат түсіп тұрады. Бұл туралы Ұлттық экономика бірінші вице-министрі Тимур Жақсылықов мәлімдеді.

Министрдің айтуынша, Ұлттық қор – балаларға  жобасы 2024 жылдан бастап іске қосылады. 2023 жылы бастаманы іске асыру үшін қажетті заңнамалық өзгерістер қабылдау жоспарланып отыр.

– 18 жасқа дейінгі барлық балаларға жеке жинақтаушы шоттар ашылады, оларға жыл сайын қаражат түседі. Шот операторы – «Біріңғай жинақтаушы зейнетақы қоры» АҚ болады. Жинақталған қаражат кәмелетке толған кезде ғана пайдалануға қолжетімді болады, – деп мәлімдеді.