Жол апаты жиілеп кетті
Соңғы уақытта Қарағандыда ауа-райының күрт өзгеруіне байланысты жол апаты да жиі орын алуда. Өткен аптадағы деректерге сүйенсек, көктайғақтың салдарынан 10 жол көлік оқиғасы тіркелген.
3 наурызда, сағат 15.50 шамасында Тәттімбет көшесі – Күнгей шағын ауданы қиылысында №41 жолаушылар автобусы мен VOLVO жүк көлігі соқтығысқан. Апат кезінде автобуста 10 жолаушы болғаны белгілі болды. Зардап шеккен жолаушылар жоқ. Ал, автобус жүргізушісі жарақат алған. Дәл осы күні Щтурманская – Гудермесская көшелерінің қиылысында №5 бағытта қатынайтын автобус Chevrolet маркалы көлігімен соқтығысқан.
4 наурызда №31 және №43 жолаушылар автобусы аялдамада соқтығысып қалды.
Осы фактілердің барлығы бойынша Қарағанды облысының полиция департаменті тергеу амалдарын бастады. Барлық қажетті сараптамалар тағайындалды, оның қорытындысы бойынша процессуалдық шешім қабылданады.
Аида РАХЫМҚҰЛОВА,
Ortalyq.kz