Жерлестер қос кездесуде де жеңіске жетті

Хоккейден ел чемпионатының плей-офф кезеңіндегі екінші ойынында «Сарыарқа» жеңіске жетті. Өткен жолы жерлестер «Хумо» клубын овертайм уақытында жеңген болатын. Бұл жолы қарымта ойында 2:5 есебімен айласын асырды.

Ойынның алғашқы айналымында жерлестер басымдыққа ие болды. 2-ші минутта – Глеб Зайцев, 4-ші минутта – Александр Коннов, 7-ші минутта Егор Цветков көзге түсті. Ал, қарсылас сапынан Вадим Кравченко 13-ші минутта есеп ашты.

28-ші минутта қарсылас команда шабуылшысы Иван Фихенко шайба салып, есеп алшақтығын қысқартты. Есеп – 2:3.
Үшінші айналымда жерлестер қарсыластарына мүмкіндік қалдырмады. 49-шы минутта – Филипп Кнауб, 50-ші минутта – Тимур Шингареев есепті 2:5-ке жеткізді.

Енді жерлестер 25 ақпанда өз алаңында «Хумо» клубын қабылдап, екі кездесу өткізеді. Қазіргі таңда екі кездесудің қорытындысы бойынша есеп – 0:2. Қос кездесуде де жерлестер жеңіске жетті. Демек, турнирдің келесі кезеңіне өтуге мүмкіндік – жоғары.

Ербол ЕРБОЛАТ,
Ortalyq.kz