Жаңалықтар

Жеке деректері қолды болған қазақстандықтарға SMS арқылы хабар беріледі

Қазақстандықтардың дербес деректерімен жұмыс істейтін мекемелер азаматтардың мәліметі қолды болған жағдайда иесіне хабар жіберуге міндетті болмақ, деп хабарлайды ortalyq.kz ҚазАқпарат сайтына сілтеме жасап.

 

Бұл туралы «Amanat» партиясында өткен брифингіде Мәжіліс депутаты Екатерина Смышляева мәлім етті.

– Заңға ұсынылып отырған түзетудің тағы бір жаңашылдығы – хабар беру институты. Яғни, мен қазір менің дербес деректерім қолды болғанын білмей жүре беруі мүмкін. Оны біреу бір жерден көріп, маған хабарламаса, сол күйі хабарсыз болам. Ал біз ұсынып отырған норма бойынша, «1414» нөмірінен дербес дерегім тарап кеткені туралы SMS-хабарлама келеді. Бұл менің азамат ретіндегі құқығым болғандықтан, реттеушіге қоңырау шалып, дербес дерегімнің қолды болғанын хабарлаймын, – дейді депутат.

Оның сөзінше, қазақстандықтардың дербес деректері қажетті деңгейде қорғалмауы алаяқтарға жақсы болып тұр.

– Қазір көп адамдар дербес деректерінің қолды болғанын білмейді. Соның кесірінен түрлі алаяқтар несие алуды ұсынып, түрлі жолдармен дербес дерек иелерін өз құрбанына айналдырады. Мұндай алаяқтықтарды қазір ешкім дербес деректің қолды болуымен байланыстырмайды. Тіпті екі мәселенің арасында байланыс бар екенін білмейтіндер де бар. Мысалы, әжелерімізге қоңырау шалып, аты-жөнін айтып, немерелерінің атын, үй телефондарын біліп алады да, мазалай бастайды. Міне, қалай болып жатыр?! Ал әжелер дербес дерегінің қолды болғанын сезбейді де. Сондықтан дербес деректермен жұмыс істейтін мекемелерге осындай міндет жүктегелі отырмыз, – деді Екатерина Смышляева.

Басқа материалдар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

This site uses Akismet to reduce spam. Learn how your comment data is processed.

Back to top button