Жаһан өркениетінің әліпбиі
Елбасымыз айтқан 2025 жылдан бастап латын әліпбиіне көшу мәселесі пісіп жетілді. Яғни, 2017 жылдың аяғына дейін ғалымдардың көмегімен ақылдаса отырып қазақ әліпбиінің жаңа графикадағы бірыңғай стандартты нұсқасын қабылдау керек және 2018 жылдан бастап жаңа әліпбиді үйрететін мамандарды және орта мектептерге арналған оқулықтарды дайындауға әзірлік жұмысын жасау қажет.
Латын – әлем өркениеті мен техникалық прогрестің әліпбиі. Елбасы мақаласының маңызын терең түсініп, оны орындауға, білек сыбана кірісуге, әрбір қазақстандық міндетті. Біздің ендігі борышымыз тіліміздің мол қорын келешек ұрпаққа мұра етіп қалдыру.
Енжарлықтан арылып, ұрпақтың келешекте сауатты болып, өзгелермен терезесі тең тұрғыда ой таластыруы үшін бүгіннен бастап 1929 жылдан 1940 жылға дейін ата-аналарымыз жазып, оқыған латын «Біртұтас түркі алфавитін» бірге үйренейік, қолдайық.
Жолмұрат КЕҢЕСОВ,
Приозерск қаласының
мемлекеттік архивінің
басшысы.
