Жаңа жинақ – жан азығы

25 мамыр сағат 11.00-де Н.Гоголь атындағы орталық әмбебап-ғылыми кітапханада белгілі өлкетанушы, Ақтоғай ауданының Құрметті азаматы Тұңғышбай Мұқанның «Үш арыстың ауылынанбыз» атты жаңа кітабының таныстырылымы өтеді. Тұсаукесерге аймағымызға белгілі ақын-жазушылар, БАҚ өкілдері қатысады деп күтілуде.

– Алаштың үш арысы Әлихан Бөкейхан, Әлімхан Ермеков, Жақып Ақбаев дүниеге келген Ақтоғай өңірі – тұнып тұрған тарих. Бұл жерде тарихи мұралардың өте көп кездесуі Ақтоғайдың ежелден тіршілікке қолайлы өркениет ошағы болғанын айғақ­тайды. Бұған дейін Ақтоғай ауданының тарихы, Алаш қайраткерлері, аудан өнерпаздары туралы бес кітап жазып, құрастырған болатынмын. Тұсауы кесілгелі отырған жаңа жинақты қорытынды дүние деп айтуға болар,- дейді кітап авторы, «Құрмет» орденінің иегері Тұңғышбай Өміртайұлы.

Ілияс ДҮНГЕНБАЙҰЛЫ.