Жаңалықтар
Теміртау тұрғынынан 3 келі есірткі тәркіленді
Астана полицейлері Теміртау тұрғынынан 3 келі гашиш тәркіледі.
Елорданың ҰҚҚКБ қызметкерлері патрульдік полициямен бірлесіп, Мәңгілік Ел даңғылы бойындағы көлік тұрағынан 51 жастағы Теміртау тұрғынын тексерген. Тінту кезінде рюкзактан жалпы салмағы 2,918 келі болатын сұр-жасыл түсті зат салынған полиэтилен пакеті табылған.
Тәркіленген есірткі затының гашиш екендігі анықталған.
Аталған дерек ҚР ҚК-нің 296-бабы бойынша сотқа дейінгі тергеу амалдары жүргізіліп жатыр. Ер адам УҰИ-ға қамалды.
Аида РАХЫМҚҰЛОВА,
ortalyq.kz