«Сарыарқа» алғашқы бестікте

   Қарағандылық «Сарыарқа» хоккей клубы Жоғарғы хоккей лигасында үздік бестікті түйіндеуде. Өткен бейсенбіде Өскеменнің «Торпедосын» қабылдаған жерлестеріміз 2:1 есебімен басым түсті.

20 қарашада «сарыарқалықтар» Өске­менде «Торпедодан» 3:2 көрсеткішімен ұтылған еді. Бұл жолы шығыста кеткен есені қайтарудың сәті түсті.

Кездесудің алғашқы шайбасын «тор­педолықтар» салды. 13-ші минутта Архипов мергендігімен көзге түсті. 0:1. Ал, 27-ші минутта біздің Поляков есепті теңестірді. 1:1. Ойын соңындағы буллит соққылары кезеңінде Олег Ломаконың соққысы қара­ғандылықтарға жеңіс сыйлады. 2:1.

26 ойыннан кейін «Сарыарқаның» қор­жынында – 48 ұпай. Қорғанның «Зау­ральесімен» 5-ші сатыны бөлісуде. Он алты мәрте жеңіске жетіп, он ойында қар­сыластарынан айласын асыра алмады.

«Сарыарқаның» ойыншылары 70 рет қарсы тараптың қақпасын бағындырды. 38 мәрте «Сарыарқа» қақпасына шайба со­ғыл­ды.

Қазір Жоғарғы хоккей лигасында Тверь­дің «ТХК» командасы көш бастап тұр. Тверліктерде – 58 ұпай. Екінші орында 54 ұпаймен Красноярдың «Соколы» келеді. Алғашқы үштіктің нүктесін 53 ұпайы бар Санкт-Петербургтің «СКА-Невасы» қойып отыр. Ал, лигадағы қос қазақстандық команданың бірі – өскеменнің «Торпедосы» 50 ұпаймен алдымызды орап, төртінші сатыдан төбе көрсетті.

Кеше «Сарыарқа» «ХК Саров» командасымен кездесті. Ойын Ресейдің Саров қаласында өтті.

Нұрқанат ҚАНАФИН

Пікір қалдыру

Сіздің e-mail жарияланбайды. Толтырылуы міндетті *

This site uses Akismet to reduce spam. Learn how your comment data is processed.