Құрметті медицина қызметкерлері мен сала ардагерлері!
Сіздерді медицина қызметкері күнімен шын жүректен құттықтаймыз! Бұл күні біз күндіз-түні халықтың денсаулығына қамқорлық жасап, өмірімізді сақтап жүрген ақ халатты абзал жандарға ризашылығымызды білдіреміз. Сіздердің жанқиярлық еңбектеріңіз бен мамандықтарыңызға адалдықтарыңыз – бәрімізге үлгі.
Сіздер өз қызметтеріңізді атқара жүріп, күн сайын адам жанын ажалдан арашалап, ел игілігі жолында еңбек етесіздер. Жалынды күш-жігерлеріңіздің арқасында көптеген азамат толыққанды өмір сүруге мүмкіндік алады.
Бүгінде облысымызда денсаулық сақтау саласының материалдық-техникалық базасын нығайту бойынша бірқатар жұмыстар жүргізілуде, жаңа ауруханалар салынуда. Ауылдық жерлерде дәрігерлердің жұмыс істеуі үшін қолайлы жағдайлар жасалып, тұрғын үй мен көтерме төлемдерді беру қарастырылған. Бұл жұмыс алдағы уақытта да жалғасын табады.
Медицина қызметкерлері күні – жалпыхалықтық мереке. Осы орайда барлық дәрігерлерге, медбикелер мен фельдшер, санитарларға зор денсаулық, отбасыларына бақыт, шаңырақтарына бақ-береке тілейміз!
Ермағанбет БӨЛЕКПАЕВ,
Қарағанды облысының әкімі,
Нұркен КОБЖАНОВ,
Қарағанды облыстық мәслихатының төрағасы.
