«Respublica» партиясынан Мәжіліс мандатын иеленгендер тізімі
Respublica Partiyasy 547 154 дауыс жинап, 8,59% көрсеткішпен Парламенттің төменгі палатасына 6 мандат алған болатын, деп хабарлайды ortalyq.kz Egemen.kz сайтына сілтеме жасап.
Respublica Partiyasy 6 кандидаттың есімін жариялады. Бұл туралы Айдарбек Қожаназаров мәлімдеді.
– Құрметті достар, қазақстандықтар! Бүгін ОСК Қазақстан Республикасы Парламенті Мәжілісінің депутаттарын сайлаудың қорытындысын жариялады. Respublica Partiyasy 547 154 дауыс жинап, 8,59% көрсеткішпен Парламенттің төменгі палатасына 6 мандат алып, үшінші орынға ие болды, деп атап өтті ол.
Ол партия тізімі бойынша Мәжіліс депутататтығына баратындардың аты-жөнін атады.
– Мәжілісте біздің партиямыздың атынан шығатын депутаттар – мен, партия төрағасы Айдарбек Қожаназаров, партияның тең төрағалары – Динара Шүкіжанова мен Руслан Берденов, сондай-ақ Динара Наумова, Нұргүл Тау және Олжас Құспеков, деді ол.
Сөз соңында сенім артқандарға алғыс білдіріп, енді іске кірісетінін айтты.
– Мен және менің әріптестерім бізге көрсеткен сенім үшін шын жүректен алғыс айтамыз және сіздің таңдауыңыздың дұрыстығын сөзбен емес, Отанымыз – Тәуелсіз Қазақстанның игілігі үшін нақты істермен дәлелдеуге уәде береміз! Алға, Respublica!, деді Айдарбек Қожаназаров.
