Құрбандар рухына тағзым – ұлт болмысының белгісі

Құрметті қарағандылықтар!

31 мамыр – Қазақстанда­ғы саяси қуғын-сүргін және жаппай ашаршылық құрбандарын еске алу күні. Бұл – ХХ ғасырда жүргізілген қатыгез саясаттың құрбаны болған миллиондаған отандастары­мызды еске алатын күн. Ұжым­дастыру жылдарында мыңдаған қазақтар аштықтан қаза тауып, туған жер­лерінен айырылып, үйле­рінен кетуге мәжбүр болды.

1930 жылдардағы қу­ғын-сүргін бізді қазақ зиялылары­ның озық өкілдері Ахмет Бай­тұрсынұлы, Бейімбет Майлин, Сәкен Сейфуллин, Ілияс Жансүгіров, Әлихан Бөкейхан сынды ұлыларымыздан айырды. Осындай киын кезеңдерге қарамастан, қазақ халқы жомарттық пен жанашырлық танытып, жер аударылып келген көптеген ұлт өкілдері – кәрістер мен немістерге, поляктар, түріктер, шешендерге, ингуштар, қырым татарлары мен армяндарға және тағы басқа ұлт пен ұлыстарға көмек қолын соза білді. Бүгінде олар біздің ортақ тарихымыз бен тағдырымыздың ажырамас бөлігі болып табылады.

Бұл күні біз сол кезеңде жа­зықсыз қаза тапқандарды және қажыр-қайрат пен та­­бандылық, адамгершілік та­нытқан аға ұрпақты құрметпен еске аламыз. Ел та­ри­хында мұн­дай қаралы ке­зеңдердің орын алмауын ті­лейміз. Елі­мізде әрқашан бейбітшілік пен тыныштық, татулық болсын!

Ермағанбет Бөлекпаев,
Қарағанды облысының әкімі
Нұркен Кобжанов,
Қарағанды облыстық мәслихатының төрағасы