Наурыз айында қанша күн демаламыз?

Наурыз айында қазақстандықтар 14 күн демалады, деп хабарлайды Ortalyq.kz El.kz сайтына сілтеме жасап.

Осы айда екі ресми мереке – 8 наурыз – Халықаралық әйелдер күні және әз-Наурыз мейрамы бар.

8 наурыз – Халықаралық әйелдер күнінде аптасына бес күн жұмыс істейтіндер 8, 9, 10 наурызда үш күн қатарынан демалады.

Ал, аптасына алты күн жұмыс істейтіндер үшін 8-10 наурыз – демалыс, 9 наурыз жұмыс күні болып саналады.

Наурыз мейрамында (21-25 наурызда) қазақстандықтар бес күн демалады.

Ал, аптасына алты күн жұмыс істейтіндер үшін 25 наурыз – жұмыс күні, 21-24 наурыз аралығында демалады.

Материалды әзірлеген Ербол ЕРБОЛАТ.