Нұрлан Ермекбаев ШЫҰ Бас хатшысы болып тағайындалды
Нұрлан Ермекбаев Шанхай ынтымақтастық ұйымының 2025-2027 жылдарға арналған бас хатшысы болып тағайындалды.
Нұрлан Ермекбаев 1963 жылы 1 қаңтарда Шымкент қаласында дүниеге келген. 1986 жылы КСРО Қорғаныс министрлігінің Әскери Қызыл Ту институтын үздік тәмамдаған. 1996 жылы Қазақ мемлекеттік сәулет-құрылыс академиясын инженер-экономист мамандығы бойынша бітірген.
Осы жылдар ішінде ол сыртқы экономикалық ұйымдарда, соның ішінде шетелде жұмыс істеді;
«Юнитэк ЛТД» бас директоры;
Қазақстан Республикасының ҚХР-дағы Елшілігінің кеңесшісі;
Қазақстан Республикасының Сингапур Республикасындағы уақытша сенімді өкілі;
Қазақстан Республикасы Президентінің кеңесшісі – Президент Әкімшілігінің Сыртқы саясат орталығының меңгерушісі;
Қазақстан Республикасы Сыртқы істер министрінің орынбасары;
Қазақстан Республикасы Президентінің халықаралық істер жөніндегі көмекшісі;
Қазақстанның Дін істері және азаматтық қоғам министрі;
Қазақстан Республикасы Қауіпсіздік Кеңесінің хатшысы;
Қазақстан Республикасының Қорғаныс министрі.
Қазір ол ШЫҰ Бас хатшысының орынбасары қызметін атқарады.
Материалды әзірлеген Аида РАХЫМҚҰЛОВА
