Минскіден тағы бір қола жүлде қоржынға түсті

Беларуссияның Минск қаласында Тәуелсіз Мемлекеттер Достастығы елдерінің II жазғы ойындары өтті. Онда Қарағанды облысының спортшылары Қазақстан Республикасының Ұлттық құрама командасының сапында өнер көрсетті.

Атап айтсақ, жеңіл атлетика спортынан олимпиадалық резервтегі облыстық мамандандырылған балалар мен жасөспірімдер мектебінің тәрбиеленушісі Юлия Дёмкина 4х200 м. mix эстафеталық жүгіруде жүлделі  III орынды жеңіп алып, қола медальға ие болды.

Естеріңізге сала кетейік, бұған дейін жерлесіміз Андрей Ким ұзындыққа секіруден жеке есепте және эстафеталық 4х200 м қашықтыққа жүгіруден қола медаль жеңіп алған болатын.

Ербол ЕРБОЛАТ,
Ortalyq.kz