Жаңалықтар
Ұлытау облысында жолаушылар пойызы 6 жылқыны қағып кетті
4 ақпан күні Манадыр-Жомарт аралығында Алматы-Жезқазған жолаушылар пойызының машинисі теміржол жолдарында жайылып жүрген жылқыларды байқап, тоқтауға тырысса да үлгермей 6 жылқыны қағып кеткен, деп хабарлайды ortalyq.kz Stan.kz сайтына сілтеме жасап.
Кейін пойыз жоспарсыз 8 минут тұрған.
– Аталған факті бойынша оқиға орнына жедел-тергеу тобы барды. Үй жануарларының иесі болып табылатын 59 жастағы жергілікті тұрғын анықталды,- деді ведомство.
Ер адамға қатысты ҚР ӘҚБтК-нің 559-бабының 1-бөлігі «Темiржолдардың бөлінген жолағында мал жаю қағидаларын бұзу» бойынша әкімшілік хаттама толтырылып, 5 АЕК мөлшерінде айыппұл салынды.