Ұлттық құрама сақадай сай

Футболдан Қазақстан ұлттық құрамасы 2024 жылғы Еуропа чемпионатына іріктеу кезеңіндегі кезекті ойындарына небәрі бір апта уақыт қалды. Отандастарымы 7 қыркүйекте – Финляндияны, 10 қыркүйекте – Солттүстік Ирландияны өз алаңында қабылдайды. Осыған байланысты бас бапкер Магомед Адиев ел намысын қорғайтын 33 футболшының тізімін бекітті.

Бекітілген тізімнің ішінде қарағандылық  «Шахтер» клубының ойыншысы Игорь Шатцкий да бар. Одан бөлек,  Ян Вороговский, Нұрәлі Әліп, Асхат Тағыберген, Абат Айымбетов, Бауыржан Исламхан және Бақтиер Зайнутдинов секілді тәжірибелі ойыншылар бар. Бекітілен тізімге енген футболшылар 31 тамызда Астана аренада өтетін жаттығу жиындарына қатысады.

Айта кетейік, Ұлттық құрама қазіргі таңда өз тобындағы 5 команда арасында ІІ орында тұр. Ал, көш басында келесі қарсыласымыз – Финляндия футболшылары.

Ербол ЕРБОЛАТ,
Ortalyq.kz