Клубтар жөндеу көрді
Биыл Бұқар жырау ауданының ауылдарындағы бес клуб ғимараты жөндеу көрді. Олар – Ботақара, Ақбел, Ақөре, Үміткер, Тасауыл ауылдық клубтары.
Мәселен, Ботақара ауылындағы клубтың сырты металлсайдингпен қапталып, электр және жылу жүйелері тегіс жаңартылды. Сол сияқты есік, терезе саңылаулары бітеліп, едені ауыстырылды. Сахнасы бөлшектеп, жаңғыртылды. Жуынатын бөлмесі де жөнделіп, септик орнатылды. Осындай жұмыстар Ақөре және Тасауыл клубтарында да жүргізілді.
Ал, Ақбел ауылдық клубында жұмсақ шатырды боялған профильді параққа ауыстыру жүргізілсе, Үміткер ауылының клубының қасбеті мен артқы бөлігі кірпішпен өріліп, жабылды.
Аудандағы қалған мәдени-демалыс мекемелерін ағымдағы және күрделі жөндеу жұмыстары одан әрі жалғаса бермек.
Ержан ИМАШ,
Бұқар жырау ауданы.
