Футболдан Қазақстан құрамасы өз алаңында Финляндиядан жеңілді

Қазақстан футбол құрамасы 2024 жылғы Еуропа чемпионатының іріктеу турнирі аясында «Астана Арена» стадионында Финляндия құрамасымен кездесіп, 0:1 есебімен жеңіліп қалды.

Іріктеу кестесінде өз тобында екінші орында тұрған ұлттық құраманы көш басындағы қарсыластарымен болатын маңызды ойында қолдауға келген жанкүйерлер «Астана Арена» стадионын лық толтырды.

Қазақстан құрамасы алғашқы минуттан алаңға мына құраммен шыққан еді: Игорь Шацкий, Нұралы Әліп, Марат Быстров, Исламбек Қуат, Аслан Дарабаев, Асхат Тағыберген, Ян Вороговский, Лев Скворцов, Абат Айымбетов, Бақтиер Зайнутдинов, Александр Марочкин. Бас бапкер – Магомед Әлиев.

Ал, Финляндия құрамасының бастапқы құрамын мынандай болды: Лукас Градецки, Артту Хосконен, Ричард Йенсен, Роберт Иванов, Оливер Антман, Теэму Пукки, Расмус Шюллер, Каан Кайринен, Николай Алхо, Йоэль Похьянпало, Илмари Нисканен. Бас бапкер – Маркку Канерва.

Ойынның бірінші таймында екі команда да бір-бірінен айласын асыра алмады. Екінші таймның 78-ші минутында Оливер Антман гол салып, таблодағы есепті өзгертті.

Осылайша, Финляндия құрамасы топтағы өз орнын сақтап қалды. Соңғы төрт ойында финдер сырт алаңдағы ойында жеңіліп көрмеген.

Енді Қазақстан құрамасын Еуро-2024 турнирі іріктеу аясында тағы бір кездесу күтіп тұр.

10 қыркүйек күні «Астана Аренада» Солтүстік Ирландияны қабылдайды.

Аида РАХЫМҚҰЛОВА,

ortalyq.kz