Ералиев елдік мұратты аңсайды

Ералиев ауылының да сайлаудағы белсенділігі жоғары. Алғашқы дауыс берушілер — ауыл ақсақалдары. Қазіргі уақытта дауыс берушілер саны — 80-нен асыпты.

557 сайлау учаскесінің комиссия төрағасы Гүлбағдат Смағұлованың айтуынша, ауыл үлкндерінен бастап, жастарына дейін дауыс беруге келіп жатыр. Барлығы тәртіпке сай өтуде екенін айтады. Алғашқы дауыс беруші көпбалалы ана Жәмилә Торғаеваға сыйлық тапсырылыпты.

— Біздің ауылдың ежелден ымыра-бірлігі бар. Жастарымыз да Құдайға шүкір, бірлікті ту еткен. Елдік мұратты аңсайды. Үміткерлерге ақжол тілейміз. Ауылға жаңадан сайланатын әкімнің алдында үлкен жұмыстар тұр. Мұны халық болып жұмыла атқарамыз. Қолдау білдіретін боламыз, дейді ауыл ақсақалы Берген қажы Қожамұратов.

Қасымхан ҒАЛЫМ.