«Эдельвейстің» ерен жеңісі

Күні кеше ғана Астана төрінде өткен «CULNAR FEST» көпжанрлы байқауында Бұқар жырау ауданындағы «Эдельвейс» хореографиялық ансамблінің үлкен би тобы ерен жеңіске жетті.

Аталған өнер ұжымының бишілері осынау бәсекеде қос бірдей бас жүлдені қанжығасына бөктеріп, аудан, облыс абыройын асырды. «Кербез гүлдер» және «Девичьи страдания» билерін өте шебер орындаған олар  көрермендердің де, қазылар алқасының да жоғары бағасына ие болды. Бұл жетістік ансамбль бишілерінің кәсіби деңгейі өскені мен тер төккен еңбегінің, өнерге деген сүйіспеншілігінің жемісі десек керек.

Ержан ИМАШ,
Бұқар жырау ауданы.
Ortalyq.kz