Дауыс беруде зейнеткерлер белсенді

№32 сайлау учаскесіндегі дауыс берушілердің басым бөлігі зейнеткерлер екен. Таңертеңнен бері сайлауға егде жастағылар көптеп келуде. Сайлау комиссиясының төрағасы Гүлнара Уатаева жастардың әдетте түстен кейін ағылатынын айтады.

– Сайлау учаскемізде шамаман 2000-нан астам сайлаушы тіркелген. Оның арасында бүгін бірінші рет дауыс беретін 18 жасқа толған бес сайлаушы бар. Таңертеңге қарағанда қазір халықтың белсенділігі аса жоғары. Жалпы, біздің осы шағынаудан тұрғындары үнемі белсенділік танытады. Мүмкіндігі шектеулі жандарға барлық жағдай жасалған, – дейді Гүлнара Уатаева.

Халықтың көптеп келуі сондай, тіпті, кезек күтіп қалатын сәттер бар дейді.

Қызғалдақ АСҚАРҚЫЗЫ,

ortalyq.kz