Өткен аптада облыстық экология департаментінің өкілдері Балқаш қаласы әкімдігінің қызметкерімен бірлесіп, құрамында сынабы бар қалдықтарды жеке жинау және жинақтау тақырыбында «Sulpak», «Электрик» дүкендерінің өкілдерімен көшпелі экологиялық сағат өткізді. Бұл іс-шара ҚР Экологиялық кодексінің 351-бабы 1-тармағының 10, 12, 13 және 14 тармақтарына сәйкес жүргізілді.
Экологиялық сағатты өткізу кезінде Тұрғын үй-коммуналдық шаруашылық, жолаушылар көлігі, автомобиль жолдары және тұрғын үй бөлімі қалдықтардың осы түрін жинау үшін 13 контейнер сатып алды. Контейнерлерді медицина колледжі, қалалық аурухана, Балқаш қалалық көпсалалы колледжі, №1 емхана, №2 «Гүлдер» емханасы мен Сейфуллин көшесінің бойына қойды.
Кездесу қорытындысы бойынша осындай тауарлардың теріс әсерін азайту мақсатында сынап қалдықтарын жеке жинақатауды ұйымдастыру жөніндегі жұмысты жалғастыру туралы шешім қабылданды.
Ербол ЕРБОЛАТ,
Оrtalyq.kz
