Балқашта балаларға арналған жаңа оңалту орталығы ашылады

Балқаш қаласында бір жарым жастан 18 жасқа дейінгі балалар мен жасөспірімдерді қабылдайтын мемлекеттік мамандандырылған орталық іске қосылады. Онда облыстың түкпір-түкпірінен келген мүмкіндігі шектеулі балаларға оңалтуға көмек көрсетіледі. Облыс әкімі Ермағанбет Бөлекпаев Балқаш қаласына жасаған сапары барысында жаңа оңалту орталымен танысты.

Оңалту орталығын орналастыру үшін ғимарат табылып, қайта жаңғыртылды. Инженерлік коммуникациялар толығымен жаңартылған. Үй-жайларда қол жетімді орта қағидаты бойынша жөндеу жүргізілді. Баспалдақтарға арнайы көтергіштер орнатылды.

Оңалту орталығы директорының м.а. Дарын Әубәкіров хабарлағандай, қызметкерлер толық қамтылды, дәрігерлер мен мұғалімдер жұмысқа алынды: педиатр, ортопед-травматолог, реабилитолог, психолог, невропатолог, логопед, дефектолог, музыка, дене шынықтыру мұғалімдері және басқа мамандар. Жаттығу терапиясы, физиотерапия, массаж бөлмелері жабдықталған. Монтессори бөлмесі жабдықталған ыстық ванна мен тренажерлер, гальванизация және электрофорез, магнитотерапия және т.б. аппараттар бар.

Жатын бөлмелерде функционалды кереуеттер қойылды. Пациенттерге күніне бес рет ыстық тамақ беріледі. Орталық 50 орынға есептелген. Көрсеткіштер бойынша балалар алты айға дейін осында ем ала алады. Оңалту кешенді түрде жүргізіледі: медициналық, әлеуметтік және педагогикалық. Барлық қызметтер тегін. Қазір Aleumet.egov әлеуметтік қызметтер порталы арқылы алғашқы емделушілерді қабылдау жүріп жатыр.

Облыс әкімінің баспасөз қызметі.