Қазақстанда су тасқыны болуы мүмкін қауіпті аймақтар белгілі болды
Экология және табиғи ресурстар вице-министрі Ғалидулла Азидуллин Орталық коммуникациялар қызметінде өткен брифингте су тасқыны болуы мүмкін қауіпті аймақтарды атады, деп хабарлайды ortalyq.kz Stan.kz сайтына сілтеме жасап.
– Қардағы су қорының мөлшерін, топырақтың күзгі ылғалдылығын, топырақтың қату тереңдігін қарастыра отырып, су тасқыны қауіпті аймақтарға алдын ала баға берілді, – деді Ғалидулла Азидуллин
Вице-министр қауіпті аймақтарды екі топқа бөлінгенін хабарлады.
Жоғары қауіп: Қарағанды, Ақмола, Солтүстік Қазақстан, Қостанай, Шығыс Қазақстан, Абай, Ақтөбе, Батыс Қазақстан, Атырау Алматы, Жетісу, Жамбыл және Түркістан облыстары.
Орташа қауіп: Павлодар, Ұлытау, Маңғыстау және Қызылорда облыстары.
– Синоптиктер су тасқыны кезеңіне алдын ала болжамды 2023 жылғы 1 ақпандағы жағдай бойынша 4 ақпанда шығарды, одан әрі су тасқыны кезеңіне негізгі болжамын 5 наурызға дейін ұсынады. Наурыз айынан бастап гидрологиялық болжамын апта сайын хабарлайды. “Қазгидромет” гидрометеожағдайлар күрт өзгерген кезеңде 2-3 тәулік бұрын су тасқыны қаупі туындауы жайлы дауылды ескертулерді алдын ала хабарлайды, – деді Экология және табиғи ресурстар вице-министрі Ғалидулла Азидуллин.