Қазақстанда күн суытып, аяз күшейеді

Қазақстанда алдағы күндері күн суытады. Елімізге суық антициклон келіп, алдымен батыс өңірлерде, кейін басқа аймақтарда ауа температурасы төмендейді. Солтүстік пен шығыс өңірлерде түнгі температура -5…-10 градусқа дейін түседі. Оңтүстікте де күн салқындап, түнде -2…-7 градус аяз күтіледі.

Қарағандыда да ауа райы құбылмалы болады. «Қазгидромет» болжамынша, 22–23 қазанда жаңбыр мен қар жауып, көктайғақ болуы мүмкін. 22 қазанда түнде ауа температурасы -2…-4 градус, күндіз +5…+7 градус болады. 23 қазанда түнде -3…-5 градус аяз күтіледі. Күндіз ауа температурасы +2…+4 градусқа дейін төмендейді.

Сонымен қатар, жел күшейіп, 23 қазанда екпіні секундына 23 метрге дейін жетуі ықтимал.

Диас СЕРІКҚАЗЫҰЛЫ
Ortalyq.kz